::• المواضيع العادية •::
بعد ان شرحت المعيده
كيفيه اجراء التجربه فى معمل الفيزياء .. وقف سعدون يفكر كيف يقوم بفبركه
النتائج والحصول على قيمه سرعه الكره فى السائل اللزج ...
وامسك بالقلم واخذ يفكر
وهنا قال شلبى .. ولماذا لا نجرى التجربه ونفبركها رغم اننا نفهمها يا سعدون ؟؟
- انته متخيل انك تعرف تطلع النتائج بالتجربه مظبوطه ؟؟ انت فاكر نفسك نيوتن ؟؟
- طيب ما نجرب
- ياعم فبركها وخلاص ما كل مره بنفبرك النتائج وبنحفظ الرسمه البيانيه مش لازم نعمل التجربه ونتعب فيها وفى الاخر المعيده تعقد فينا
- طيب والامتحان ؟؟
-
ماله .. زى ما فبركنا فى الطبيعى والفبركه نفعت هنعمل كده فى الامتحان ..
هو يعنى المعيده عرفت اننا فبركنا .. على يدك اما اشتغلنا تجربه النافوره
الزيتيه .. ايه اللى حصل المعيده قالتلنا دى متفبركه ... مع ان دى الوحيده
اللى اشتغلناها بجد ... يابه البلد دى متعرفشى الا الفبركه
تذكر سعدون ما سبق وهو يدخل الى حجره البحث العلمى الذى صممته مصر حديثا من اجل اجراء بعض التجارب ... وقال سعدون فى نفسه
-
حتى الان لم اتوصل الى شىء .. كلما اجرى التجربه احصل على نتائج سيئه ...
لابد من فبركه التجربه بالنتائج المطلوبه .. وبكده استطيع ان انشر بحثى
...
وبالفعل قام سعدون بفبركه النتائج ... ونشرت الصحف ان عالما مصريا جيدا قد برز فى الافق وان جائزه نوبل قد اقتربت وبشده منه
وقامت وسائل الاعلام باستضافته كثيرا وتحدث طويلا عن اختراعه المذهل
وحانت اللحظه
وقف
امام حشد من العلماء يتحدث عن تجربته والعرق يتصبب على جبينه ... ثم قام
بالتجربه وحاول مرارا ان يحصل على نفس النتائج ... حاول بكل طاقته ولكن
يبدو ان هناك خللا ما
عزيزى القارىء ترى الخلل فى ماذا ؟؟؟ اريد رايك وماذا وصل لك
.......بصوا أنا هاقول لكم إيه نهاية القصة ...... سعدون وشلبي هيفبركوا النتائج وينجحوا في الإمتحان بالعافية ويطلعوا بعد كدة عشان يترصصوا جنب اللي زيهم في طابور العاطلين الفاشلين ويشتكوا يا حرام من قلة الحظ ذي معظم الشباب النهاردة
