::• مقهى مزيكا للابد •::
روح الاب من شغله مرهق
وقرفان بيشتكي من المواصلات الصعبة والزحمة اللي
خنقته
نادي علي مراته وقالها تحضرله الغداء بسرعة عشان يلحق ينام شوية ويصحي
عشان معاد الماتش
الابن قاعد يتابع والده اللي طريقته مختلفتش كتير عن
المعتاد كل يوم من شكوي وخنقه
نام الاب وصحي بيجري زي
المجنون علي التليفزيون
ياخبركان هيفوتني الشوط الاول
!!
الولد استغرب قوي( ايه دة هو بابا عامل كدة ليه
..انا اول مرة اشوفه خايف علي معاد اي حاجة)
قعد الاب يتفرج وبقي يتشال
ويتحط مع كل كورة رايحة وجاية
وصريخه مالي البيت
شوط يا زيدان شوووووط ....يوووووه
حااااسب ...حاسب يا
حضرىىىىى
اخ الحمدلله لحقها الحضري
!
وفجاة صرخ الاب ونط علي الكنبة وهات يا
صريخ
هااااااااااا جوووووووووووون
جووووووووووووووون
ياما انت كريم
يارب
تسلم رجليك يا جدووو
الود بقي مسغرب ومفتح عنيه وبيراقب ابوه
ومستغرب
حضري مين يا بابا وجدو ايه اللي جابه
الماتش
هو انت جدك لسة عايش يا بابا للوقتي
؟...يالهوي!!
وفضل يسال وابوه ولا هو
هنا
وفجاة صفر الحكم بنهاية المباراة
وقامت الدنيا
ومقعدتش
رقص وصريخ ويا حبيبتي يا مصر يا حبيبتي يا
مصر
والدموع مغرقة وش ابووووووووه من
الفرحة
الاب شال ابنه وقعد يرقص ويغني والله وعملوها الرجاله ويا حبيبتي يا
مصر
الابن استني لما ابوه هدي وقعد مكانه
وساله
في ايه يا بابا انت فرحان ليه
كدة
وبتعيط ليه دانا عمري ما شوفتك بتعيط الا مرتين
مرة لما جدتي ماتت ومرة لما مهيتك
اتسرقت!
ابوه ضحك وقاله :يا واد انت مش في
الدنيا دي مصر يا واد مصر ...عارف يعني ايه مصر
فازت
الابن سرح وفكر في الكلمة وقاله في اندهاش مصر؟؟؟؟
مصر ايه يابابا
قاله مصر ايه ؟؟مصر بلدك يا واد ....ايه مش
عارفها؟؟
الابن :بابا مش بلدي دي اللي انت لسة مكلم عمو جلال اللي
في الخليخ عشان يجيبلك شغل بعيد عنها
مش انت يابابا كنت بتقول
لهشام ابن خالوا عزت لما كلمك من برة
وقالك انه عايز يرجع مصر
قولتله لالا خليك عندك احسنلك
مش دي اللي كل يوم تيجي تلعن
كل حاجة فيها وانت مروح من الشغل
بتبقي قرفان منها ومش
طايقها
اذاي يابابا كنت عامل كدة عشانها الوقتي
ليه دموعك نزلت لما فازت وخدت الكاس
انت مالك
ومالها
فهمني
بتحبها ليه يا بابا
؟؟
اتلفت الابن وبص لوش ابوه
واتفاجا بالدموع بتغرق وشه من
كلامه
قاله مالك يا بابا هو انا زعللتك
قاله لا يا حبيبي
...تعالي
انا هسالك سؤال
شايف ماما اللي في المطبخ
دي
قاله اه
قاله طيب قولي لو ماما جت في يوم طلب منها مصروف وقالتك
مفيش فلوس
او يوم منعتك من الخروج او معملتش الغداء
بدري
او حتي ضربتك ضرب جامد لما تعمل حاجة
غلط
قولي بقي
لو ماما دي تعبت وراحت مستشفي وحسيت انها ممكن تموت او
مرضها صعب قوي
هتعمل ايه
قاله هقعد اعيط واصرخ واقول
يا حبييتي يا ماما وهفضل ادعيلها
ولما تخرج من المستشفي هفرح
وهرقص وهاخدها في حضني
وهنسي كل حاجة زعلتني منها
الاب زادت دموعه وقاله اهو مصر بالنسبالنا كلنا زي الام اللي عمرها ما
تهون
مهما نشوف فيها مهما نتعب و نعاني فيها
والله والله عمرها ما
تهون
عرفت بقي يا حبيبي
انا وكل الناس دي بنحبها ليه
؟؟
