::• المواضيع الجادة والنقاش الجاد •::
انا حبيت اكتب الموضوع ده
لكل الناس اللي بتقول ان مصر مفيش فيه حريات
فبقولهم ازاي كده خد مثلا
انت في أي بلد في العالم تقدر تركن سيارتك صف تاني
طبعا استحاله
في مصر تقدر تركن عربينك صف تاني وتالت ورابع وبالعرض كمان لو حبيت
طبعا يا جماعة عصر الحريات
في أي بلد في العالم تقدر ترمي بقايا الطعام(القمامه) في الشارع
استحاله
في مصر تقدر ترميها في المكان اللي انت عاوزه مفيش حد هيقولك انت بتعمل ايه
طبعا يا جماعة عصر الحريات
في أي بلد في العالم تقدر تشغل الكاسيت الساعة 2 باليل وترفع الصوت علي أخره
استحاله
في مصر برحتك خالص وممكن كمان تخليه في البلكونه علشان تشم الهوا كمان وانت بتسمع شعبولا
طبعا يا جماعة عصر الحريات
وفي الأخر أحب أقولكم ان احنا اللي فاهمين الحريات غلط
والاعلام الغربي ده هو اللي بيقلبنا علي بلدنا
بلدنا جميلة ومفيش أحسن منها
بس اللي يفكر يعرف
لو في حد رأية غير كده يقولنا
بس ياريت يذكر اسمه وعنوانه بالتفصيل
