عفواا ياكابتن انا انسانه....مش مزه

انا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس من
حقك ان تعاكسنى
نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه
لاترتدى الكت ولا شورت ولا بنتاكور..(وحتى لو كنت كذلك فذلك ليس مبررا)
من حقى عندما اخرج انا وصديقاتى واحترم كل من حولى من حقى ان تحترمنى وتدعنى
لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم
افعل مايشجعك على ذلك...انا احترم نفسى اذا يجب ان تحترمنى..




سيقول الشباب البنات بتحب كده واحنا بنرفع روحهم المعنويه
وانت يعنى بتشيل على اكتافك الواجب الوطنى ده وهترفع روحنا المعنويه!!!!!!!


انا حلوه وعارفه انى حلوه..محدش طلب رأيك؟؟؟؟ مجتش جمب سياتك وقولتك ها انا حلوه!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه)







عفوا انا انســـــــانه مــــــــــش مـــــــــزه










نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)
اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما...








وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وانا اصلا يوم محب واحد اقول عليه مز عادى كده وفرحانه ودا كده راجل فى عينى والولد بأه بيكون سعيد ومنشكح لما يعرف انه اتقال عليه (مز)..!!!! لا ياحبيبي ماتخدش مقلب في نفسك وبالله عليكم محدش يقولى على فكره البنات دلوقتى بتعاكس الولاد !!!! قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دوووول كلامى واضح...





انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..

ايها الشاب انا انسانه متقــــولش مــــزه







الموضوع منقول بس لفكرته اللى لازم تتناقش ولازم كل واحد يعرفها

ومنـتـظـره الاراء ............

فعلا دة بيحصل كتير بس صدقينى اى شااب بيعاكس
اكيد هو لسة طفل وانتى اكيد عارفة دة كويس

موضوع اكثر من رائع....وانا عن نفسى معاكى فى كل الى قولتية.......وزى مافيه بنات شكلها مستفز.....فى شباب كتير شكلهم وتصرفتهم مستفزة.......فيا ريت كل واحد بدل مايرميى التهمة على غيرة يشوف نفسة الاول.....وعمر ما واحد محترم ومتربى هيمشى يعاكس اى بنت مهما كانت لبسة.......وشكراوجزاكى الله كل خير

:(mohk):

موضوع جامد بس حسب لبس البنت تحدد ان كانت تتعاكس او لاء
وشكرا على الموضوع الزيز دة

ميرسي على التوبيك
ولكن فى بنات منقبات وتتعاكس اكتر من البنات العادية وممكن يعملوا حاجات غير كده كمان
يعنى انا لو سألتونى وانا اصلا محجبة ولبسى واسع وبمشى بجد زى العسكرى انا كام مرة بتعاكس فى اليوم قول اكتر من 30 مرة

[b]انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..

ايها الشاب انا انسانه متقــــولش مــــزه


اولا انا مش هقول ان البنت المحترمه تجبر كل شاب انه يحترمه
المهم انه البنت المحترمه لما واحد يقول لها انتى موزه او
اى لفظ من الالفاظ اللى بيقولوها الشباب هى تمشى وهى فى حالها
وكئنها لا تسمع اى لفظ من الالفاظ التى تشير بها العضوه زميلتنا
ورائى كشاب من الشباب ان الزى المحترم كما قال زميلنا انه له
اهميه واضحه لانه لا يجرؤعلى ان يعكس بنت او سيده محجبه
اما عن عدم الوعى والثقافه عند الشباب هذا يطول الحديث عنه
فان اذا كان الشباب بهم غير محترمين فانا فى الشبات كذلك ايضا
اتمنى من الجميع ان يكونو على وعى ودرايه بهذا الموضوع المهم
خالص تحياتى لناقلة الموضوع
[/b]

ياااااااااااااااسلالالالام
البنات بيعكسوا الولاد يااتش كده برضوا انا قديمه مااااسي ماسي

مقبوله
بس قولي نسبتهم قد ايه البنات دول

الولاد اكتر بكتييييييييييييييييييييييييييير

وطبعاا الولاد لما يشوفوا بنت بتعاكسهم بيتبسطووا اووووي وبياخدو في نفسهم مقلب

بتهيقلي في بنات محترمه وفي بنات مش محترمين برضوا بس قليلين بالنسبه للولاد اللي مش محترمين وكل واحد ادرى بنفسه

وميرسي للناس اللي ردت

وليك بالذات يادكتور رامي
لان بجد ردك حلو

البنات هي اللي بتجبر الولد انوا يعكسها مشمن لبسها بس ولكن كمان من طريقتها
وفي بنات تصرفاتهم تتسم باطفوليه وده بيخلي الاولاد يعكسوهم
عشان كده يريت يغيروا من صفاتهم الطفوليه دي شويه

على فكره ياحسام فعلا انا بشوف بنات كتيييييييييير جدااااااااااااااا
لابسين بنطلون وسطه ساقط ولابسه بلوزه قصيره شويه شويه وبطنها هتبان ومنزله حته من شعرها ولافه الايشارب عليها
هو ده اللوك اللي ماشي اليومين دول بصراحه بتسقط من نظري بجد قلة ادب
ياشيخه خلاص اقلعي الايشارب اللي انتي لافاه على ام دماغك ده والله ماليه داعي خالص
هي دي بقى البنت اللي تتعاكس
مش اي بنت معديه والسلام يعاكسها

عندك حق شكراً