ايه اللي بيحصل ياجماعه؟؟؟؟ ناس فاضيه ياريت تدخلوا وتدوني رايكم

لأ اللى بيحصل ده مش طبيعى !!!
أنا قريت شوية جُمل يا جماعة بجد تنحت قدامها !! و بين كل جملة و جملة كان هيجيلى شلل ايه الرسائل اللى بقت ماليه كل القنوات فى التلفزيون


إليكم الشلل التالى


1-
*** ممكن حب اسكندرانى***


آيوووووووووووه و ماله !! طبعا زى ما انتوا عارفين فيه حب اسكندرانى و حب قاهرى و فيه فلاحى و فيه صعيدى !!! و اذا مشينا بالحدود شوية هنلاقى فيه حب لبنانى و حب امريكانى و صينى و يابانى !!!! و هكذا و مقولكوش بقى ع الحب المريخى !!!!
و برضه فيه حب بالفراخ و حب بالكباب و فيه بالشطة و اللمون !!!!!!! و يا سلام بقى ع الحب بالجبنة !!!
ومقلكش بقى الى يبقى بالطماطم كده




2-
*** أنا 75 سنة ممكن أتعرف على ليدى مناسبة***


خمسة وسبعين سنة يخرب بيته و قادر يمسك الموبايل و يبعت مسج ؟؟!!! ما شاء لسه يا جماعه ف عز شبابه برضه !!




*** ممكن واحدة جميلة للصداقة و الحب و ياريت برضه للسفر ***


آه ممكن طبعا !!! و يا ترى حضرتك عايزها كام سلندر ؟؟؟؟؟؟؟؟؟؟





3
*** أنا شاب متدين ممكن ليدى عندها شقة ***


آه و ماله !! و فيه برضه شقة و عليها ليدى مجانا !!!! و ياترى ايه مواصفات الشقة اللى عايزها ؟؟؟؟؟؟؟؟؟؟؟؟؟؟ ها قول متكسفش





4
*** أنا دلوعة و شبه نانسى عجرم ممكن أتعرف ***


اتدلعى يا اوختى و ماله !! و لما حضرتك أمورة كده امال بتعرضى نفسك ليه ع الشاشة ؟؟؟؟؟ ايه محدش راضى يشترى خلقة نانسى عجرم ؟؟؟ ايه الرجالة بقت بتطس ف نظرها ؟؟؟؟؟؟؟؟؟؟؟؟؟
لأ بجد معندهمش حق





5
*** أنا ف اعدادى ممكن أتعرف على بنت حلوة ***
هيا جات عليك ؟؟!! و ياترى عايزها ف سنة كام يا حبيبى ؟؟؟؟؟ ابتدائى و لا حضانة ؟؟؟؟؟؟؟



6
***فلانة : أنا نكدية موت ممكن أتعرف على نكدى و ننكد على بعض ***
*** فلان : أنا نكدى مووووت !! و قعتك سودة و نهارك مش باينله لون ***

والنبى انا مش هعلق لا تعقيم علشان الضغط بس



7
*** معاكى فلان ممكن أعرف اسمك سنك طلباتك ***
آه و ماله أنا فلانة يا ابنى ... و النبى اطلبلى واحد كباب و اتنين بانيه !!!!
احم احم .. و ياريت لو معاهم جوز حمام


8
*** أنا عايز بنت للارتباط سمرا أو بيضا أو قمحى ما تفرقش ***
يا سلام على القناعه شايفين راضى بكل الالوان
طب متاخد
حمرا !!!!!!!!!!!! تاخدها حمرا ؟؟؟؟؟؟؟؟؟؟؟ طب ايه رأيك ف البنفسجى ؟؟؟؟ طالع موضه ويا سلام بقى على الاخضر فظـــــــــــيع



9
*** ممكن واحدة جميلة استايل عشان أحبها ***

آه و ماله !!
طلبك موجود


10
*** أنا سى السيد بدور على أمينة تسمع الام و تقول حاضر ***

آه و ماله حاضر يا اخويا !!! بقى حضرتك عايز أمينة ؟؟؟؟
انا لسه شيفاها معديا من قدامى تقريبا راحت السيده زينب





11

*** لو انت بتحبنى بجد ممكن أديلك رقمى !!***

يا ما شاء !!! انتوا بتحبوا بعض الأول و بعدين تتعرفوا على بعض ؟؟؟؟؟؟؟؟؟؟؟؟ يااااااه شوف ازاى
تصدقى ب أنا دلوقتى بس عرفت أهمية السراية الصفرا





12

*** فلانة : ممكن تعرفنى على نفسك عشان هتبقى حب العمر ***
*** فلان : هحكيلك عن حياتى كلها !!! .. أنا من النهارده ملك قلبك !!!!!! انتى حددى و انا تحت أمرك ***
أشوف فيكم يوم بحق جاه النبى !!! الدماغ دى معجونة من ايه ؟؟؟؟ أنا خلاص هموت




13

***أنا قلبى فاضى .... حد عايزنى أحبه ؟؟؟ ***
يا نهار ابيض هو بقى بالطلب
بيحصل بيحصل





14
فلانة : عرفنى على نفسك يا فلان و ابعت رقمك .. أنا بحبك أوى ،
فلان : أنا اللى بحبببببببك أوييييى يا فلانة !! قوليلى صحيح هو انتى حلوة و لا ؟؟؟؟؟؟؟؟

والنعمه الى انت عايزوه حلوه اوك مش حلوه اوك كلو موجود





كلمة أخيرة :

اللى بيحصل ده كتيييييييييير .. شئ لا يقبله ديييين لا قلب و لا عقل ولا منطق .. استهتار و استخفاف وهيافه
انتم ايه رايكم فى الرسايل الى فوق دى حد يفهمنى يعنى ايه ده


انا عملت الموضوع ده لنتناقش فيه؟؟؟

ياريت تدوني رايكم

اكيد دى نااس فاضية
بس مش معقولة الكلام الى احنا بنشوفو دة
وفعلا فى حاجة غلط فى دمااغهم
هل عن طريق الرساايل دى هايعرفو بعض ويتجوزو كماان

ههههههههههه
صحيح والله معاكي حق
الظاهر الناس اتهبلت

والله لما اشوف الحاجات دي بفضل اضحك عليها ضحك
تخيلي حتى على قناة الناس بيكون كده
متستغربيش من كده
بجد ربنا يهدي شباب المسلمين

فعلا الناس اجننت من الى بيحصل فى الدنيا والنت والشات كلو دماغ الناس