::• القصص والروايات •::
استمر عم حزمبل يتلوى من شده الالم ... واخذ يبحث هنا وهناك عن صيدليه
قريبه وللاسف لم يجد اى صيدليه فى البلد قد فتحت ... كل الصيدليات اغلقت
ابوابها ...
تعجب عم حزمبل واقترب من احد الناس وقال ...
- هوه فيه ايه ياعم الصيدليات دى كلها قافله ليه ؟؟ دا مفيش ولا صيدليه فاتحه !!
- انته ما عرفتش ولا ايه ؟؟
- ايه ؟؟
- الصيدليات عامله اضراب
- ليه ؟؟
- عشان فارضين عليهم ضرايب كتير تقريبا ... فالصيادله اتفقوا يقفلوا عشان يوروا للحكومه العين الحمرا
- طيب انا اعمل ايه انا عايز حقنه مسكنه مش قادر استحمل الوجع .. هموت يا عالم
- استنى 4 ساعات على بال ما الصيدليات تفتح
- مش قادر
- طيب اقولك ... روح اقطع تذكره من المستشفى اللى ورا الجامع ده ... وروح خليهم يدوك حقنه مسكنه
واسرع المسكين بالفعل وقطع التذكره
- ادونى حقنه مسكنه ابوس ايديكم
- مفيش يا حاج مسكنات ... ممكن نديك حبوب بروفين اهى ممكن تساعدك شويه
- حبوب ايه انا هاموت
- طيب يا حاج اب بخمسين جنيه
- ايه ؟؟ ليه
- خلاص ياحج مفيش
- طيب ادهالى وخد اللى انته عايزه
واخذ عم حزمبل الحقنه .... ثم قال
- طيب انتوا خدتوا خمسين جنيه ليه ؟؟
- هوه كده ... المستشفى دى مفيهاش مسكنات انا اشتريت خمس حقن احتياطى عشان لو مريض زيك احتاجها اهو الواحد يستنفع
- ياعم بتاجر فى الدوا ؟؟؟ يعنى اخد حقنه مسكنه بخمسين جنيه ..
- والله ياحاج الموضوع عرض وطلب
- حرام عليكم حسبى الله ونعم الوكيل فى اللى كان السبب
ومشى عم حزمبل متضايقا ... واخذ يسب فى المستشفى ... فراه شخص وقال له
- ياحاج الغلط من نقابه الصيادله اللى قفلوا الصيدليات وتخلوا عن مبادىء عندهم وتخلوا عن رسالتهم فى الحياه
وسار عم حزمبل وحكى الامر لشخص اخر وهو يسب فى نقابه الصيادله فقال الشخص
- ياعم متشتمشى فى نقابه الصيادله دى بتدافع عن نفسها ازاى يفرضوا عليهم ضرائب كبيره ... هى الحكومه اللى ..... تيت
تعجب عم حزمبل وحكى الامر لرجل ثالث وهو يسب فى نقابه الصيادله والحكومه فقال له الرجل
- يابنى الغلط من اللى كان جشع وباعلك بخمسين جنيه حقنه المسكن !!
اخذ عم حزمبل يسب فى نقابه الصيادله والحكومه والجشع فسمع قصته رجل اخر فقال لعم حزمبل
- انت اللى غلطان يعنى كان لازم يجى المرض دلوقتى ... ؟؟؟ اهى صيدليه فتحت اهى
واسرع
عم حزمبل لشراء مسكنات كثيره ... ولعب الشيطان فى راسه .. لقد خسر خمسين
جنيها .. لما لا يفعل مثلما قعل اللص الذى سرقه ؟؟ سيبيع الحقنه بخمسين
جنيه لاى مريض
والحمد لله لن يسمعه احد فيسبه ...... هكذا سينال حقه
