::•قسم الشباب •::
فجأة لاقيتني بجري ورجلي وخدانى على الكلية عمال أدور وأفتش
على أخوية وحبيب قلبي شريف أخونا شريف قاعد ولا على باله
رحت ليه وشوفوا بقى الحوار ده
إيه يا عم شريف أنت قاعد هنا وأنا عمال أدور عليك يعنى لما احتاجك تختفي
شريف : إيه يا سورد مالك حد ضربك وأنا أقوم بالواجب قول بس
إيه يضربني لا يا شريف لسه محدش قدر يضرب سورد ولا أنت إيه رأيك ؟؟؟
شريف : أمال إيه يا عم حد سرقك
إيه يا شريف الكلام ده يضربني إيه ويسرقني إيه يا عم اسمع بس
شريف : قول يا عم في إيه
رحت السنتر أنا وواحد زميلي عزمنى على سندوتشين فول وطعميه
وهو طبعا اللي هيدفع الحساب بس تصدق يا شريف كان طحن
شريف : سندوتش الفول
فول إيه يا شريف استني بس أنا جايلك في الكلام اهو
شريف : قول يا عم وأنجز
وأنا قاعد أكل في السندوتش لاقيت لك إيه حتة موزه إنما إيه قشطة داخلة مع الشلة بتاعتها
إنما إيه يا شريف جمال و حلاوة ولا شعرها يااااااااااااااااااااه
شريف : يا عم سورد مالك بلا جمال بلا دلال إيه يا عم الكلام ده أنت هتاخد عليا ولا إيه !!!!! ما الحلوين كتير المهم الأخلاق
يا عم شريف استني بس هكمل … دي واقفة مع شلة بنات وولد راح يكلمها دورت وشها ولا أكنها شايفاه
شريف : والله طب كويس كمل
ولا إيه شكلها غنية خالص يا عم طلعت رزمة دنانير وفرشتها أدام السنتر وعزمت الشلة كلها
من الأخر يا عم شريف الموزة دي داخله دماغي يا عم دي هتضمنلى مستقبلي بص أنت الوحيد اللي هتقدر تعرفني بيها
شريف : خلاص يا عم لما تشوفها تعلالى وأنا أعرفك بيها وأنجز بقى عشان أنا اتخنقت منك
الحق يا شريف إيه ده يا بختك يا واد يااا سورد دي مامتك دعيالك اليوم
شريف : مالك يا ابني أنا سامع مامتك اليوم كانت بتدعى عليك وقالت كمان روح يا ابني ربنا يوقعك في شر إعمالك
بص يا شريف هناك شايف البنت اللي لابسه بنطلون ازرق هناك دي وسط صحباتها
شريف : أنت هتهزر يا واد كلهم لابسين بناطيل زرقة
بلاش البناطيل شايف الموزة اللي شعرها طويل هناك دي
أظن واضح بقى هي الوحيدة اللي شعرها طويل كلهم شعرهم قصير
شريف : وبعدين يعنى في إيه
هي دي يا شريف هي دي … يلا بقى عرفني بيها وبس وفى خلال يومين هعزمك على فرحنا أوعى متجيش
شريف : واد يا سورد أنت متأكد يا ابني ركز تانى متأكد أنها دي اللي أنت عايز تتعرف عليها
ايوة يا شريف بس في مشكلة هنكلمها ازاى دي مش بتكلم صبيان خالص
شريف : ولا يهمك معاك شريف تعال معايا
قام شريف وشدني من ايدى ورحنا عندها
طبعا أنا وقفت بعيد شوية كنوع من الأدب وطبعا دقيقة واحدة ولاقيت شريف جايبها وجاى
أما شريف ده حبيب قلبي بجد مفيش بعد كده … وقف شريف وأنا وهى طبعا
شريف : أعرفكم ببعض … ده سورد كلية هندسة مستقبله عظيم … وسكت
إيه يا عم شريف مش تعرفنا
شريف : ايوة صح …. أعرفك بــــ
فـــــــــــــادى
كل اللي أنا فاكره بعد كده ووشريف بيقولى مش قلتلك مامتك كانت بتدعى عليك
انما الامم الاخلاق ما بقيت فأن هم ذهبت اخلاقهم ذهبوا
