::• منتدى الحـــب •::
بصوا يا اجماعه اولا انا هاقولكم كل يوم قصه لو القصه طويله اكملها تانى يوم ودى قصص حب انتهت بالفشل الذريع والموت المريع والانتحار الشنيع وحاجات كتير تخوف اصل الحب دا علاقه فاشله اه فاشله صدقونى والى مش مصدق يقراء
القصه الاوله
الى مش معاه فيشار يجيب اوك
زمان اوى من ييجى تلاتين يوم كان فى واحد غلبان اوى اسمه سعدون كان سعدون ده ولد طيب فى كليه حقوق الفرقه الرابعه وحالته تعبانه اوى بصراحه صعبان على يعنى فاشل ودايما بينجح مقبول او شايل مادتنين يعنى بينى وبينكم شاب مثالى لاى بنت عايزه تحب
وكان سعدون خارج من المحاضره التانيه الى كانت الساعه 4 لحد الساعه 6 وتعبان اوى قال اروح اشترى حاجه ساقعه اشربها وهو رايح الكافتريا شاف بنت جميله اوى لفتت نظره حركت قلبه خلته بدل ما يشترى حاجه ساقعه اشترى شيبسى .. المهم هو حب يكلمها وفعلا اتجراء وقالها انتى عارفه انا حبيتك من اول نظره راحت سابته وماشيه شوفت البنات يتمنعن وهن الراغبات هو بيكلمها راحت سايباه وماشيه مع انها فى سرها بتقول يا رب يكلمنى تانى وانا ارد عليه المهم البنت دى مشيت وهو جاب الشيبسى وبداء ياكل مع انه عطشان بس ما كانش لسه خلص الكيس خلوا بالكم وهو راجع بالصدفه قابل نفس البنت بس لقى ورااها شاب بيعاكسها راح عامل ابو الرجال وحب يضرب الواد بس الواد كان معاه شله عمالقه مسكوه وعينك ما تشوف الا النور كل الى كان حاسس بيه سعدون انه بيضرب بس فين او من مين مش عارف بس فجاءه ومن غير اى انذار حصلت حاجه غريبه اوى كلنا عارفين انه كان ماسك كيس شيبسى فى ايديه بس بقى ايه الى حصل او ايه الى انقذه ده الى هانعرفه فى الحلقه الجايه
