اسئله بديهيه .... لعبه لاصحاب المزاج العالى فى المقهى

. فكرة التوبيك اننا نسأل اسئله بديهيه ونحاول نلاقى لها اجابه ...

واى واحد يقول السؤال البديهى اللى دايما بيخطر على باله او محيره واحنا نحاول نلاقى اجابه

ملحوظه

عشان يخطر ببالك سؤال بديهى لازم تهدى اعصابك ، لان بجد مافيش احسن من الهدوء والروقااااااان

محدش واخد منها حاجه



يعنى لازم يكون مزاجك عالى عالى اوى اوى



ابدا انا واسال سؤال بديهى ويحاول كل واحد يجد له تفسير وبعد كده نبقى نغير السؤال ... واى حد ممكن بغيره بعد فتره

السؤال



ليه احنا كشعب مصرى او عربى بنقلل من نفسنا فى كل حاجه ومبنقتنعشى باة حاجه مصريه ؟؟؟

انا سعيده اني اول واحده ارد
بص يامحمد هو انا مش كدا انا اهم شيء تكون الحاجه عجباني
ودي وجهة نظري وهسيب اللي بعدي يجاوب علي السؤال

جميل يعنى نفهم من كده انك بتختارى ما يناسبك بغض النظر عن نوع المنتج المقدم ... هل يفكر الاخرون هكذا ؟؟؟

انا عن نفسى اشبهك تماما ولكن معظم شعبنا العكس تماما

نشوف باقى الناس

في جملة كانت بتتردد زمان وهي عقدة الخواجه
فكل حاجة مستوردة أوصناعة أجنبية تلقى الإعجاب بصرف النظر عن مكوناتها هل تناسبنا أم لا
ويمكن يكون دة من رواسب الإحتلال السابق
وعلى فكرة الأفكار دي هي السبب في تراجع الصناعة المصرية لأن قليل من يشتريها
وعن نفسي أنا أحب البحث عن المنتج المصري أولاً عند الشراء وإذا لم يعجبني أضطر لشراء المستورد بس لازم أعرف مصدره
وأحاول تجنب منتجات بعض الدول
كما أنني أحاول توعية طلابي واقناعهم .......فيجب أن يبدأ كل فرد بنفسه ومن حوله