انفلونزا الدماغ .... بقلمى ج1 و2

عم
تحسين .. انسان بسيط .. استيقظ من النوم فوجد بجانبه كتله ساخنه ولما تنبه
للامر وجد ان حرمه المصون مولعه نار ... اخذ يرتعد من الخوف وذهب بها الى
الوحده الصحيه ... والوحده الصحيه قريبه من بيت عم تحسين

وكانت الاسئله المكرره من نصيب عم تحسين

- من امتى بتعطس وعندها برد

- بقالها يجى شهر ونجيب فى علاج ورا علاج والبرد مش بيروح

- والسخنيه من امتى ؟؟

- النهارده

- عندكوا طيور ؟؟

- اه

- بيموتوا ؟؟؟

- اه فى بيموت وفى بيعيش


تكررت الاسئله مرارا وبنفس الطريقه امام مستشفى الحميات .. وتم احتجاز الست نبويه

وجدت الست نبويه بعض الممرضات يلبسن قمامات على وجوههن ويقلبن فيها باشمئزاز ..

شعرت نبويه بالضيق وتساقطت الدموع من عينيها واحست انها جربانه فالكل يعاملها وكانها مصابه بامراض الدنيا ... واستمرت على هذه الحاله ... واقنعها الجميع انها مصابه بانفلونزا الطيور

وبدات الاتصالات وتكونت لجنه من الوزاره لفحص الحاله المشتبه فيها ...

وبدا الدكاتره فى الوحده ينتظمون فى الحضور والنبطشيات استعدادا لقدوم اللجنه ... وبالفعل قدمت لفحص المسكينه نبويه

اما عم تحسين فكان بجوار حرمه المصون وهو يقول لنفسه

انا كنت جمبها ... زمانى اتفيرست دلوقتى ... يعنى كان لازم انام جمبها ... ما انا متعود انام على الكنبه ... حبكت يعنى

وبدا
عم تحسين يشعر بانه مريض وان البرد سيقتله ... وحسب معلوماته البسيطه فان
الفيروس الذى بداخل زوجته معدى ... ولذلك اتصل بالاولاد وقال لهم

- محدش يروح يشوف امكم اصل تبوسكم تتصابوا بالفيروس

- هى امنا عندها ايه يابه ؟؟

- عندها الفيروس

- ايه الفيروس ده يابه ؟؟

- دا جاى من البط اللى فوق ...

- طيب ما احنا كلنا منه يابه

- ماهو ده اللى انا خايف منه ... فى ناس هتيجى تعدم البط سيبوهم ... اهو الفيروس يموت

وذهب
عم تحسين الى البيت والحزن يعتصره .. لقد اصيبت زوجته باللعنه .. وطار
النوم من عينيه .. وبدا يشعر بصداع شديد .. واحس بالضعف والوهن ... وبدا
يرتعد ان الحمى بدات تصيبه

واخذ يبكى بشده ان المرض سياتى له .. ومن شده الالم والتعب نام

وبدا يحلم بفيروس يخرج له لسانه ويقول له

ساقتلكم جميعا ........................ واستيقظ من النوم على صوت ابنته

- ابه ... بيقولوا ماما هتخرج النهارده طلع عندها اشتباه مش فيروس

- والاشتباه ده بيعمل ايه هو كمان مسمعناش عنه

وبدا العم تحسين يتجنب زوجته بعد ان علم ان عندها اشتباه ...

واصبحت الكنبه مكان نومه الجديد ...

وشعرت نبويه يالضيق الشديد .. وقالت


- ايه يا تحسين انت نايم بعيد ليه

- احنا فى رمضان يا ست انتى .. نامى نامى

وقرر تحسين ان يسافر الى منطقه بعيده بحجه العمل هربا من الاشتباه ... وحتى الان لم يرجع عم تحسين الى بيته


للحديث بقيه

وأنا في إنتظار التكملة
ربنا مع عم تحسين بس برده مش كده حرام على زوجته
يلا أما نشوف هيحصل إيه
يسلمو يادوك على القصة المشوقة دي

ج2

جلست
نبويه حزينه وهى تتذكر سر ابتعاد زوجها عنها ... وكيف عاملها الناس فى
المستشفى وكانها مصابه بالجرب ... ووجدت الابناء يبتعدوا عنها ويكلمونها
بحذر ... وبدا تحس انها منبوذه ... حتى اهلها من بعيد بداوا يعاملوها
وكانها مصابه بالايدز ... حتى هى بدات تحس بالتعب والاختناق ... وتوجهت
الى الوحده الصحيه

- بتشكى من ايه يا حاجه

- عندى اشتباه

- اشتباه ؟؟

- ايوه

مش فهماكى

- انا مريضه بالاشتباه

- يعنى ايه ؟؟

وقصت لها نبويه كل شىء .. وبدات الدكتوره نسرين تضحك وقالت

- الاشتباه يعنى انتى مش عندك مرض انفلونزا الطيور ... انتى سليمه

- بجد يا دكتوره

- ايوه بجد والله

- طيب قولى كده للعيال اصلهم بيعاملونى وكانى مصابه بالايدز ..

طيب هاتيهم الوحده

وبعد الخروج من الوحده قال الصغير لاخته

- هما بيقولولنا كده اكيد متفقين مع ماما وهى قالتلهم يقولولنا كده

وبعد ايام وصلت ورقه طلاقها من الحاج ................

والاولاد اخذتهم عمتهم بموافقتهم خوفا من الام ... وعاشت نبويه فى حزن شديد

................

يقول عم شلبى ان سبب ما تفعله الست نبويه من البصق على الماره ورمى الطوب على الاطفال انما نتيجه تاثير مرض الاشتباه فيها !!!

يسلمو يا سندباد على القصة
لكها مؤثرة نوعا ما
وواضح أن الناس دي جاهلة أوي
أنا في الأول أستغربت من رده فعل الزوج
لكن واضح كده أنه جاهل
بس ممكن سؤال أنا مفهمتش الهدف من وراء القصة؟؟
لو مفيهاش حاجة ممكن توضح
بس عايزين حاجة فريحي بعد كده
ده إحنا داخلين عالعيد
هههههههههههههه

بس تسلم الأيادي

تقول القصه

من الوهم ما يقتل ويخرب البيوت

ايضا الجهل نقمه والعلم نور

وايضا تشير الى اهميه توعيه الناس وافهامهم من ان لاخربكل ما يحيط بهم وبخاصه المناطق العشوائيه

وشكرا لاهتمامك

عندك حق في كل اللي قلته
وبجد موضوع جميل والهدف منه اجمل
تسلم ايديك
مع تحياتي شوشو

شكرا لمرورك يا اسلام ... ولمرورك يا شوشو

كلام جميل ياسندباد
ومرسي اوي...في انتظار المزيد
تحياتي ...