::• المواضيع الجادة والنقاش الجاد •::
بجد المقولة دي صحيحة و الحدوتة اللي جاية هتوضح اكتر
طبعا في مدارس ثانوي في بنات كتير مؤدبة و بنات غير ذلك و الاولاد كذلك لكن خلينا في البنات احسن
كان في بنت اسمها سوزي وكانت شايفة نفسها اوي و حطة انفها في السما(يعني مغرورة جدا)
ومش عارفين على ايه صحيح هي حلوة لكن ده ميمنعهاش انها تكون متواضعة،
وكانت تكرة اي بنت في جمالها او اجمل منها و تصر انها لازم تطفشها من المدرسة
وجه حظها مع واحدة اسمها ياسمين ياسمين بنت مؤدبة وجميلة وشاطرة في نفس الوقت
وكل الصفات الحلوة دي شدت معظم الاولاد عليها وكانو نفسهم يتكلمو و يعلقو معاها
لكن هي طبعا بتصدهم وبطنشهم
لكن طبعا ست سوزي مش عجبها النظام واللي بيحصل ده مخليها هطق
فراحت لياسمين و عنيها بطق شرار قالتلها
سوزي:انتي انا عايزاكي تعالي ورايا.
ياسمين:نعم وفي سرها قالت(ايه ابلت العبيطة دي)
وسابتها ومشيت
لكن طبعا ست سوزي ادام نويت تتخانق محدش يقدر يمنعها فراحتلها تاني
سوزي:انتي يا حلوة مسمعتيش الكلام لية
ياسمين:انا مش فاهمة انتي عايزة ايه اصلا.
سوزي:نعم ياروح ماما مش فاهمة انا عايزة ايه ليه شيفاني بتكلم لوندي ولا لوندي
متفوقي ياحبيبتي وشوفي انتي بتكلمي مين
ياسمين:هكون بكلم مين يعني
سوزي:انا بقى يا حبيبتي اعرفك انا مين انا سوزي اللي مدوخة
نص شباب مصر ورايا ويتمنو حتى ابصلهم ولو بصة احتكار
وفضلت تكلم كلام كتير مالوش لازمة و طبعا بصوت عالي الشباب اتلموا عليهم
ياسمين طبعا في موقف محرج ومش عارفة تعمل ايه
لكن اصرت انها لازم تعلم سوزي درس متنسهوش
وبعد ما سوزي خلصت هوهوة اقصد كلام ردت عليها ياسمين
ياسمين:خلاص يا سوزي خلصت كلامك انا بقى عايزة اقولك حاجة
عمر الجمال مكان كل حاجة وعمر الناس مخدت بالجمال وبس
وعلى راي المثل الحلاوة حلاوة الروح
وصدقيني غرورك ده مش هيفيدك بحاجة بالعكس ده هيبعد الناس عنك
لكن لو بقيت متواضعة هتشدي كل الناس اليك ويحبوك
وياريت كلامي ده يكون اثر فيكي يخليكي تتنزلي عن غرورك ده اللي موديك في دهية
وعلى العموم انا اسفة لو كنت ضيقتك من غير مقصد
و مشيت ياسمين وسابت سوزي واقفة بدون اي حركة والناس حوليها
لما روحت سوزي فضلت تبكي كتير و اخيرا بقى عندها احساس وفكرت في كلام ياسمين
واقتنعت برايها وقررت انها تتغير للاحسن علشان الناس تقدر تحبها
وفي اليوم اللي بعديه راحت سوزي ليسمين ووقفت قدامها
ولما ياسمين شافتها وقفتلها وبكل حسن نية قالتلها
يامين:في حاجة ياسوزي
سوزي:ياسمين انا عارفة اني كنت بايخة اوي معاكي لكن انا لما روحت فكرت في كلامك
وقررت اني اتغير وانا اسفة على كل اللي عملته معاكي
ياسمين معلقتش الا بابتسامة وقالتلها
ياسمين:تقبلي تكوني صحبتي يا سوزي
سوزي:انتي بتكلمي بجد ولا عايزة ترديلي القلم قلمين
ياسمين:لا والله بتكلم بجد انا نفسي تكون ليا صاحبة متواضعة
وطبعا انتي من النهاردة هتكوني كدة فليه متكنيش صحبتي
وانا موافقة يا ياسمين
وبقو فعلا اصحاب يذاكرو مع بعض وبيحبو بعض وبيحكو اسرارهم لبعض
والمدرسة كلها بقت تحكي حكايتهم
شوفتو ازاي ما محبة الا بعد عداوة
يا رب تكون القصة نالت اعجابكم
شوشو