katkota

madamelo

6 مشترك

انتقل الى الصفحة : 1, 2

يوميات ابليس بيه...................وابوجهل

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 1

يوميات ابليس بيه...................وابوجهل

من طرف madamelo الثلاثاء سبتمبر 14, 2010 1:39 am

مجموعة من الحلقات الروائية القصيرة منقولة للامانة
بجانب بعض التعديلات منى حتى تلائم تلك الرويات منتدانا الكريم وارجو من الله ان تنال اعجاب حضرتكم جميعا وان تلاقى قبول بين مسامعكم باذن الله
وان تستفيدوا منها لان حلقاتها ماخوذه ومقتبسة من واقعنا الاليم
وفيها كثير من العبر والدروس المستفادة

الحلقة الاولى

السائق : صباح الفل يا إبليس

ابليس : صباح الخير يا بني .. اطلع بينا على سنة 622

السائق : ياااااااااه .. سعادتك إيه اللي هيوديك هناك .. دي الدنيا كات صعبة أوي أيامها

ابليس : وحشوني والله يا عكروت .. أعمل ايه بقى .. نفسي أشوف أبوجهل

السائق : ما تشوفش وحش .. وصلنا خلاص

ينزل إبليس من العربية .. ويرن جرس بيت أبو جهل .. تفتح له الشغالة

ابليس : الأستاذ أبو جهل موجود

الشغاله : أيوه موجود .. مين حضرتك ؟

ابليس : قولي له إبليس

الشغاله : دقيقة واحدة

يخرج أبو جهل

ابو جهل : أهلاااااااااااااان .. إزيك يابو مُـرّة .. واحشني يا راجل .. إيه الغيبة الطويلة دي .. اتفضل اتفضل

ابليس : والله هفيت على بالي اليومين اللي فاتوا .. والعالم بتوع القرن الواحد وعشرين خنقوني .. قلت آجي أشرب معاك كاسين .. الموجود بقى .. أي حاجة

ابو جهل : على حسابي ولا على حسابك ؟

ابليس : أيوووه عليك .. انت لسه .... زي مانت .. ياراجل ده انا بقالي 200 سنة ما شفتكش .. ده اللي انا علمتهولك ؟

ابو جهل : آه .. ههههههههه .. طب اقعد بس اقعد .. ده الحالة بقت كرب أوي .. ونفسي أفضفض لك شوية

ابليس : خير يابوجهل

ابو جهل : لا والله مافيش .. فاكر انت آخر مرة كنت معانا لما اتفقنا نطلع من رجل قبيلة .. ونقتل محمد ( صلى الله عليه وسلم )

ابليس : آه .. كانت فكرة مالهاش حل

ابو جهل : بس الخطة فشلت .. وقدر يهاجر يثرب ومن بعدها ماشفناش يوم حلو .. والعملية نشفت أوي وبدأوا يقفلوا علينا طرق التجارة .. العيشة بقت صعبة أوي يا إبليس يا خويا

ابليس : بس بس قطعت قلبي . . طيب أنا جاي لك في مشوار حلو .. هيفتح نفسك

ابو جهل : مشوار ايه .. قوللي

ابليس : شوف يا سيدي .. أنا جاي لك دلوقت من القرن الواحد وعشرين .. فيه شغلانة جامدة أوي في مصر ظبطتها تظبيطة ما حصلتش .. وأنا حاسس بيك قلت آجي آخدك تتفرج .. أرفع روحك المعدنية شوية

ابو جهل : بس مايكونش التظبيط الخايب بتاعك زي شغلانة من كل رجل قبيلة دي

ابليس : كده برضه .. الله يسامحك .. بس اطمن المرة دي .. هتيجي جون يعني هتيجي جون

ابو جهل : والمشوار ده هنروحه ازاي

ابليس : اركب بس اركب .. ما تخافش مش هأخرك

ركب أبو جهل العربية مع إبليس .. ووصلوا القاهرة .. أبو جهل تـَنـّح

ابو جهل : إيه ده يا إبليس يا خويا .. احنا لسه في الدنيا ؟؟

ابليس : هههههه .. جمد قلبك ياراجل .. احنا بعد 1400 سنة من أيامكم

ابو جهل : وايه الناس دي .. عاملين في نفسهم كده ليه

ابليس : إيه مش عاجبينك ؟

ابو جهل : يعني .. الستات لابسين عريان قوي .. والرجالة شكلهم شبه الستات .. وبص الواد ده ماشي مع البنت ازاي .. بيحضنها في الشارع كده .. اخص عالرجالة

ابليس : ههههههه .. ياراجل ماتقولش كده .. دول على فكرة مسلمين

ابو جهل : إيه ؟؟ .. هو دين محمد( صلى الله عليه وسلم ) وصل لغاية هنا

ابليس : آه طبعا .. من زمان أوي .. بص الجوامع أد إيه .. واللي انت سامعه ده اسمه الأذان .. بينادوا عالناس وقت الصلاة عشان يصلوا

ابو جهل : الله ؟؟ .. أمال مالهم قاعدين كده ما بيتحركوش .. وعشرة عشرين واحد بس اللي داخلين الجامع

ابليس : آه .. أصل النهارده فيه ماتش .. واللي قاعدين دول بيتفرجوا عالماتش في القهوة

ابو جهل : ماتش؟؟ .. إيه ده ؟؟

ابليس : دي فكرة حلوة من أفكار أخوك .. الناس بتحب الرياضة .. فيها حاجة دي ؟

ابو جهل : لأ مافيهاش

ابليس : أنا قعدت بقى أكبرها وانفخ فيها لحد مالناس بقت تحبها أكتر من الصلاة

ابو جهل : يابن الإيييييييه ؟؟ .. ده انت هتروح جهنم

ابليس : فال الله ولا فالك .. فقري طول عمرك

ابو جهل : بس ايه اللي مكتوب عالحيطان ده ؟؟ .. الإسلام هو الحل ؟؟ حل إيه ؟؟

ابليس : ماهو ده اللي انا جايبك عشانه

ابو جهل : طب نورني .. ايه الموضوع

في الحلقة القادمة ان شاء الله هنشوف ايه الموضوع
۩۞ ۞ ۞ ۞ ۞۩

katkota

katkota: مطرب مشهور; المشاركات : 2004
العمر : 35
موقع سكنك : الدنيا الواسعة
وطيفتك : عايشة والحمد لله
مزاجى اليوم :
المهنة :
الهواية :
الأوسمة :
وسام 1 :
تاريخ التسجيل : 29/12/2009
نقاط التميز : 7603
السٌّمعَة : 1

مساهمة رقم 2

رد: يوميات ابليس بيه...................وابوجهل

من طرف katkota الثلاثاء سبتمبر 14, 2010 2:39 pm

فكرتها حلوة اوي يا مداميلو

تسلم اختياراتك

منتظرين الحلقات الباقية

تحياتي

aosamy

aosamy: مشرفة المنوعات الاسلامية; المشاركات : 4266
العمر : 30
موقع سكنك : السادس من اكتوبر
وطيفتك : طالبه
العمل او الترفيه : تشجيع المواهب
مزاجى اليوم :
المهنة :
الهواية :
الأوسمة :
وسام 1 :
وسام 2 :
تاريخ التسجيل : 27/06/2009
نقاط التميز : 10052
السٌّمعَة : 1

مساهمة رقم 3

رد: يوميات ابليس بيه...................وابوجهل

من طرف aosamy الثلاثاء سبتمبر 14, 2010 8:41 pm

جميله جدا جدا جداااااااااااااااااااا يا ميدو
و بجد بتناقش المشكله بطريقه حلوة
منتظرين التكمله

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 4

رد: يوميات ابليس بيه...................وابوجهل

من طرف madamelo الأربعاء سبتمبر 15, 2010 10:34 am

katkota كتب:فكرتها حلوة اوي يا مداميلو

تسلم اختياراتك

منتظرين الحلقات الباقية

تحياتي

منوره التوبيك كتكوته

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 5

رد: يوميات ابليس بيه...................وابوجهل

من طرف madamelo الأربعاء سبتمبر 15, 2010 10:37 am

aosamy كتب:جميله جدا جدا جداااااااااااااااااااا يا ميدو
و بجد بتناقش المشكله بطريقه حلوة
منتظرين التكمله

منوره التوبيك يا اسماء

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 6

رد: يوميات ابليس بيه...................وابوجهل

من طرف madamelo الأربعاء سبتمبر 15, 2010 10:52 am

((الحــلقـة التـانـيـة))

شوف يا سيدي .. بعد الأيام بتاعتكم المسلمين وصلوا للدنيا كلها وحكموا البلاد دي بالقرآن اللي جابه محمد (صلى الله عليه وسلم )

- أيوووووووه .. حكموا البلاد دي
- آه امال ايه .. بس اخوك ما سكتش
- أيوه طمني كده .. عملت ايه بقى ؟؟

- فضلت ورا ناس منهم .. لغاية ما طلعت في دماغهم إن القرآن ده كان بتاع زمان بس .. وما ينفعش الزمان ده

- معقول ؟؟ وصدقوك ؟؟
- طبعا .. ومن يومها بطلوا يحكموا بالقرآن .. وفضلوا يحاربوا الناس اللي عايزة تحكم بالقرآن ..

ويقولوا عليهم أسامي تضحك أنا اللي علمتها لهم .. رجعيين .. متخلفين .. متطرفين .. إرهابيين .. حوارات كده

- الله ينور عليك .. أهو كده الشغل الصح .. طب ليه بقى رجعوا يكتبوا الإسلام هو الحل عالحيطان
- أصل مع الوقت الناس اللي انا ربيتهم دول بقوا حرامية كبار أوي .. وسرقوا كل حاجة في البلد .. لحد ما ناس بقت مش لاقية تاكل ..

(يسمعوا صوت واحد بيصرخ .. الحقونيييييي .. هيموتونيييييييي)
أبو جهل - ايه ده ؟؟ .. تعال نخلص الراجل ده بسرعة ده بيستنجد بينا .. أنا جاااااااااااي
إبليس - بس بس رايح فين .. انت اتجننت وللا إيه ؟

- اتجننت ؟؟ .. انت مش سامع الراجل بيستنجد بينا .. دول بيسرقوه وهيموتوه .. ده واحد رافع عليه سيف

- لا ما تقلقش . . ده عادي دلوقت دول عايزين يسرقوا حاجه منه اسمها الموبايل وده حاجه حكايتها حكايه هبقى اقلك عليها بعدين

- إيه اللي عادي .. ما حدش ينجده ؟؟

- آه .. ما هو أنا خليت الناس دلوقت تنسى حوارات النجدة والمروءة .. والوهم بتاعكوا بتاع زمان ده .. دلوقت لو واحد قعد ينادي على الدنيا كلها الناس ولا هاتعبره

- اخص على الناس .. ده انت بوظت الناس خالص يا جدع.
- أمال كنت فاكرني بالعب الكام ألف سنة اللي فاتوا دول .. شغل يابا
وبعدين -

- رجع الناس يفكروا تاني يحكموا بالقرآن .. وناس كتير طلعت تقول ان الإسلام هو الحل .. بس أنا كنت مظبط بقى شوية ناس يطلعوا في الفضائيات والجرايد فترة طويلة .. الناس وثقت فيهم وبقوا يصدقوهم .. وخليتهم يقولوا إن الإسلام ما ينفعش حل .. وخلينا نجرب فكر جديد وكلام من ده .. وادونا فرصة تانية

- يعني معقول فيه ناس لسه بتفكر يحكموا تاني بالإسلام .. زعلتني يا شيخ
- ما تقلقش .. أخوك شغال .. هم في الآخر اتفقوا يخلوا الناس هي اللي تحكم بينهم .. اللي تختاره الناس يمشي .. عشان كده كل فريق منهم بيعمل إعلانات لفكرته .. ومنها اللي مكتوب عالحيطان ده .. وبيسموا الشغلانة دي انتخابات

- طيب وانت ايه اللي مخليك مطمن أوي ان أغلب الناس مش هتختار الإسلام هو الحل
- لا طبعا .. هو الموضوع مش كده .. تعالى بس اوريك .. انا معزوم النهارده مع اصحابي على قعدة كده عشان نظبط موضوع الانتخابات ده
- وإيه الزحمة دي .. الناس دي كلها بتعمل ايه ؟

- ده واحد نازل الانتخابات وجايب الناس في الشادر ده عشان يقول لهم هيعمل ايه
- ده من بتوع الإسلام هو الحل ولا من اصحابك ؟

- لا ده ولا ده .. أصل فيه ناس تانية كتير مش عاجبها اللي عملناه في البلد .. وبيقولوا لازم نصلح البلد ومش شرط نقول الإسلام هو الحل لإن كل الناس مسلمين .. بس بيني وبينك اصحابي خايفيم منهم أوي عشان ناس نضيفة مش حرامية زيهم .. يالا وصلنا اهوه

( يدخلوا فيلا فخمة .. يدخل ابليس ومعاه أبو جهل .. الناس بتبص لابو جهل ومستغربين من شكله .. مزمزة هانم تستقبلهم )

- أهلا أهلا إبليس بيه .. إيه اللي معاك ده ؟؟ .. لقيته فين ده ؟
- أهلا مزموزتي .. لا ده صاحبي عمرو .. بس هو كان رايح حفلة تنكرية وجبته على هنا وما لحقش يغير

- آآآآآآآآآآه .. تصدق ده انت فعلا شبه عبد الكعبة اللي كان في الفيلم امبارح ..
- آه .. ماهو يبقى ابن اختي

- ابن اختك ؟؟ ههههههههه .. دمك خفيف أوي يا سي عمرو
- لمـّي إيدك يا ولية انتي .. .. انتي من أصحاب الرايات الحُمر ولا إيه ؟
- رايات ايه يا دلعدي .. حُمر ؟

ابليس – لا لا ما تاخديش على كلامه .. ده أصله شيوعي .. – عسل يا إبليس بيه .. عسل .. طول عمرك دمك زي العسل

ابليس – طب خلينا في موضوعنا .. الشلة وصلت ولا لأ .. كانوا قايلين لي عايزينـّي النهارده
- كلهم جوه .. مستنيينك من بدري

( يدخل ابليس وأبو جهل .. الناس يشوفوا دقنه وشكله يتخضوا .. ويلموا الورق اللي في إيديهم )
إبليس – ما تخافوش .. إيه ؟؟ .. ده عمرو صاحبي .. أمان يعني .. هو أنا يعني غشيم أجيب لكم حد كده ولا كده

- لا مؤاخذة يا بيسو .. احنا شفنا دقنه قلنا إرهابي وواخدك رهينة ولا حاجة
- يا عبيط .. انتوا هتكدبوا الكدبة وتصدقوها .. مانتو عارفين ان ما حدش بيعمل كده .. المهم .. وروني عملتوا إيه .. إيه الجديد السنة دي

واحد - كتير .. البركة فيك يا ريس

التاني – شوف يا سيدي .. أنا اتفقت مع مقاولين أصوات ندفع للناس فلوس .. ويدونا صوتهم .. هنغريهم بمبالغ كبيرة أوي .. وموبيلات .. وأكل

إبليس – طب ولما ياخد الفلوس ويديهم صوته يا حدق .. هتعمل فيها ايه دي ؟

التالت – عييييييب .. معانا أهو ورق تصويت فاضي .. هادي له اللي متعلم عليها باسمي ويديني الفاضية اللي هياخدها من جوه

إبليس – معقول برضه .. مش بطال .. غيره

الرابع – شوف يا سيدي .. عملنا كشوفات بالناس اللي في شركاتنا وكل واحد طلع لهم ولعيلتهم آلاف البطايق في دايرته

إبليس – قديمة .. ما هو الناس اللي قصادنا كتير برضه وممكن عددهم يبقى أكتر مننا

الرابع – هههههههه .. ما هو احنا بوظنا الكشوفات اللي فيها الأسماء .. ما حدش هيعرف مكانه

الجديد .. أي واحد يروح يدي صوته هيحتاس ونلففه على ميت لجنة لحد ما يزهق ويروح

إبليس – براوة عليك يا وله .. أهو كده الشغل ولا بلاش .. إيه رأيك يا عمرو

أبو جهل – لا والله ما هذا بالرأي .. الناس لو مخنوقة منكم فعلا هيفضلوا يدوروا لغاية ما يعرفوا لجانهم

التاني – أمال انت رأيك فيه يا فتك ؟

أبو جهل – ليس لهم إلا السيف .. ادبحوهم .. اسألوني انا

إبليس – اتنيل اسكت انت .. الكلام ده ما عادش ينفع .. ما تشوفوا لنا حاجة تانية يا جماعة .. فين أيام زمان لما كنا بنغير الصناديق

الخامس – ما هو الجماعة اللي جوه اللجنة دلوقت مش تبعنا .. وما نقدرش عليهم ياريس .. وممشيينها ميري أوي

إبليس – طيب .. على أي حال خلينا نشوف .. بيتهيألي احنا نجحنا فعلا نقنع الناس ان فيه تغيير وفكر جديد .. وطلعنا بطاقات كتير .. وشوية بالفلوس .. وما فيش حد أصلا هيروح يدي صوته .. نتوكل على الله .. وربنا يسهل

ومستنيكم في الحلقة القادمة ان شاء الله.. أما نشوف آخرتها
۩۞ ۞ ۞ ۞ ۞۩

سندباد

سندباد: نائب المدير; المشاركات : 3097
العمر : 41
موقع سكنك : المنصوره
وطيفتك : طبيب اسنان
مزاجى اليوم :
المهنة :
الهواية :
الأوسمة :
وسام 1 :
تاريخ التسجيل : 18/01/2007
نقاط التميز : 8716
السٌّمعَة : 9

مساهمة رقم 7

رد: يوميات ابليس بيه...................وابوجهل

من طرف سندباد الجمعة سبتمبر 17, 2010 1:19 am

حلقات ممتعه

واصل يا ريس

aosamy

aosamy: مشرفة المنوعات الاسلامية; المشاركات : 4266
العمر : 30
موقع سكنك : السادس من اكتوبر
وطيفتك : طالبه
العمل او الترفيه : تشجيع المواهب
مزاجى اليوم :
المهنة :
الهواية :
الأوسمة :
وسام 1 :
وسام 2 :
تاريخ التسجيل : 27/06/2009
نقاط التميز : 10052
السٌّمعَة : 1

مساهمة رقم 8

رد: يوميات ابليس بيه...................وابوجهل

من طرف aosamy الجمعة سبتمبر 17, 2010 11:07 pm

جميل اووووووووى
كمل و احنا معاك
سبحان الله بتحكى المشكله فعلا و احنا ساكتين كده
الكلام يضحك بس المفروض نحزن على الى بيعنيه
ربنا يحمينا و يحفظنا

katkota

katkota: مطرب مشهور; المشاركات : 2004
العمر : 35
موقع سكنك : الدنيا الواسعة
وطيفتك : عايشة والحمد لله
مزاجى اليوم :
المهنة :
الهواية :
الأوسمة :
وسام 1 :
تاريخ التسجيل : 29/12/2009
نقاط التميز : 7603
السٌّمعَة : 1

مساهمة رقم 9

رد: يوميات ابليس بيه...................وابوجهل

من طرف katkota السبت سبتمبر 18, 2010 1:16 am

بجد جامدة جدا للي يفهم المغزى بجد منها

كمل يا مداميلو

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 10

رد: يوميات ابليس بيه...................وابوجهل

من طرف madamelo السبت سبتمبر 18, 2010 8:26 pm

منورين التوبيك
يا جماعه
وهنكمل دلوقت

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 11

رد: يوميات ابليس بيه...................وابوجهل

من طرف madamelo السبت سبتمبر 18, 2010 8:29 pm

الحلقة الثالثة
انتهى الاجتماع بين إبليس وشلته .. وخلاص ماشيين
مزمزة هانم في وداع أبوجهل وإبليس .. أبو جهل يسأل إبليس
- على فين المرة دي
- تعال معايا .. هاسهرك سهرة عمرك ما سهرت زيها
- بس الوقت متأخر أوي .. الساعة عشرة بالليل
مزمزة – متأخر ؟؟ .. هههههه .. والله صاحبك ده تحفة أوي يا إبليس بيه .. هو احنا لسه سهرنا ؟؟ .. ده الناس يا دوبها بتصحى من النوم
إبليس – تعال بقى ما تفضحناش .. مش عايز تشرب لك كاسين ؟؟
أبو جهل – آه والله .. في عرضك .. ده انا دماغي خلاص هتضرب
مزمزة – هتروحوا على فين المرة دي ؟
ابليس – هنروح كاباريه (زأططة) .. خليه يشوف له يومين
مزمزة – زأططة حتة واحدة ؟؟ ده انت جامد أوي .. بس خللي بالك على صاحبك .. أحسن ده لقطة وممكن هناك يضحكوا عليه للصبح
إبليس – لا .. ده بيتهيألك بس .. سلام
مزمزة – سلام
ينزلوا في الشارع
عسكري المرور – مخالفة يا بيه خمسين جنيه عشان راكن صف تاني
إبليس – معلش بقى فوتها المرة دي
أبو جهل – إيه الموضوع ؟
إبليس – فيه قانون بيفرض غرامة على اللي يسيب العربية زينا كده
أبو جهل – طب وهتعمل إيه ؟؟
إبليس – ولا حاجة .. هاديله نصهم عشان يسيبنا نمشي
أبو جهل – بس دي رشوة .. أكيد مش هيرضى
إبليس – اسكت انت بس .. خليك في حالك .. خد يا حصـّول .. عشرة جنيه اهي .. عشان تشرب شاي
العسكري – إيه ده يا بيه .. لا .. خليها مش عايزها
أبو جهل – شفت ؟؟ .. مش قلت لك .. مش معقول هياخد رشوة
إبليس ( يبتسم للعسكري ) – ههههه .. طب خلاص .. عشرين اهم .. خلاص بقى يا دفعة
العسكري – تشكر يا بيه .. ما نتحرمش
أبو جهل – إخص على كده .. ياخد رشوة ؟؟
العسكري يبص لابو جهل – بتقول حاجة يا مولانا ؟؟
أبوجهل – باقول ان دي رشوة
العسكري – ياعم الحاج دي إكرامية .. وبعدين ما تقول الكلام ده للحرامية الكبار اللي مجوعينا ومنشفين دمنا .. يعني جت عليا انا ؟؟
إبليس (لأبو جهل) – ياعم انت ما تحبكهاش كده .. أنا مظبط الناس أوي .. تلميذك يا عموووور
أبو جهل – ألا هو احنا لازم نروح البتاع اللي بتقول عليه ده .. ما ينفعش نشرب في أي محل من دول ونروح .. أنا تعبان أوي
- لا .. ما ينفعش .. أصل المسلمين بيحرموا الخمرة .. ولو شافونا سكرانين ممكن يضربونا
- يضربوا مين يا جدع .. خللي حد منهم يقرب مني وأنا أوريك هاعمل فيه إيه
- ياعم مش عايزين مشاكل .. خلينا نروح نسهر سهرتنا بمزاج .. أنا كمان لازم أقابل بقية الشلة هناك
يوصلوا زأططة .. المكان آآآآآآآآآآخر ...... زأططة .. يدخل إبليس ومعاه أبوجهل ..
أبوجهل يبص للمنظر .. الأنوار الحمرا .. والدخان الازرق .. والموسيقى الصاخبة .. ضحكات السكارى تتردد في كل مكان .. والرقص شغال .. ومش هنتكلم على اللبس .. آخر زأططة
أبو جهل يتردد في الدخول .. المكان شكله يخض .. يستقبلوه كام واحدة من تلاميذ مزمزة هانم .. بس متفوقين عيها شوية .. التفوق حلو برضه
- أهلاااااااان .. إبليس بيه .. من زمان ما جيتش يا راجل
- كده برضه .. احنا زعلناك في حاجة
- ومين صاحبك ده .. شيك أوي اللبس اللي انت لابسه ده
اتنين يا خدوه بعيد عن إبليس .. يقوموا معاه بواجب الضيافة
أبوجهل (دماغه لفـِّت) – إيه الجمال ده .. تصدقوا انتم بتفكروني بدار بن جدعان (خمارة كانت في مكة أيام الجاهلية)
- دار مين .. ؟؟ .. انت شكلك كده من دولة عربية
- طبعا .. أنا من قريش
- قريش .. والله دمك زي العسل .. تشرب ايه بقى .. ؟؟
- ممكن اشرب لي كاسين خمرة ؟؟
- طبعا .. بس كده .. هنا فيه كل حاجة
- كل حاجة ؟؟ .. بس يعني لو المسلمين عرفوا مش هيعملوا لي حاجة ؟
- حاجة إيه ؟؟ .. ما كلنا مسلمين وموحدين بالله .. إنت إيه حكايتك بالضبط ؟؟
- نعم ؟؟ .. كلكم مسلمين ؟؟ .. أصل يعنييييييييي .. إبليس بيه قاللي كلام يخوف .. وإن المسلمين مش بيشربوا خمرة .. وممكن يضربونا .. وحوارات كده
- لا لا .. دي نقرة ودي نقرة .. وبعدين احنا شغلتنا كده .. أكل عيشنا .. وربنا يتوب علينا بقى .. إنت هتقلب لنا الليلة عكننة ليه .. ؟؟
إبليس ييجي
- إيه بس يا جماعة .. فيه إيه ؟
- صاحبك ده غريب أوي .. هو أول مرة ييجي عندنا وللا إيه ؟؟ ..
- معلش معلش .. آخر مرة .. فضحتني منك لله .. ماتعيش حياتك يا أخي وخلاص .. لزومه ايه كتر الكلام
- مش انت اللي قلت لي الخمرة حرام
- طيب .. بس .. بس .. تعالى عشان عايز اعرفك على بقية الشلة
يقعدوا مع أربعة من اصحاب ابليس بيه .. يظبطوا عشان بكره الانتخابات
نتابع الحلقة القادمة ان شاء الله
ابقو معنا

سندباد

سندباد: نائب المدير; المشاركات : 3097
العمر : 41
موقع سكنك : المنصوره
وطيفتك : طبيب اسنان
مزاجى اليوم :
المهنة :
الهواية :
الأوسمة :
وسام 1 :
تاريخ التسجيل : 18/01/2007
نقاط التميز : 8716
السٌّمعَة : 9

مساهمة رقم 12

رد: يوميات ابليس بيه...................وابوجهل

من طرف سندباد السبت سبتمبر 18, 2010 11:00 pm

قصه جميله ... كمل يا معلم

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 13

رد: يوميات ابليس بيه...................وابوجهل

من طرف madamelo الأحد سبتمبر 19, 2010 12:23 am

سندباد كتب: قصه جميله ... كمل يا معلم

منورني يا حج سندباد

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 14

رد: يوميات ابليس بيه...................وابوجهل

من طرف madamelo الإثنين سبتمبر 20, 2010 12:26 am

الحلقة الرابعة

واحد – والله يا إبليس بيه مش عارفين نودي جمايلك فين .. خيرك مغرقني والله يا باشا
إبليس – انت بالذات ما تتكلمش .. مش انت بعد كل اللي عملته معاك السنين اللي فاتت .. رحت لك المكتب لقيتك معلق لي لوحة كاتب عليها ( هذا من فضل ربي ) .. ده جزاتي ؟؟
نفس الواحد – ههههههه .. انت زعلت ياراجل .. لالا مالكش حق .. وبعدين دي كانت جاية لي هدية من واحدة عزيزة عليا أوي .. وما قدرش اكسفها
التاني – شوف بقى سعادتك .. احنا ظبطنا كل حاجة .. وآدي البطايق اللي عملناها للناس بتوعنا .. اسمنا احنا الاتنين فيها اهو .. ووزعناها على ناس كتير أوي
الأول – ودول البودي جاردز بتوعنا .. كل واحد سلاحه معاه .. واللي هيقف في سكتنا هيخلصوا عليه
أبو جهل – أهو كده الشغل .. أنا معاكم يا رجالة .. وسلاحي جاهز .. وهاقف معاكم بكره
الأول – انت ما عرفتناش على صاحبك يا باشا .. مش تعرفنا
إبليس – ده عمرو صاحبي .. خبير في مكافحة الإرهاب .. خبرة سنين طويلة جدا .. جبته عشان يساعدنا اليومين دول
التاني – إيه العظمة دي .. ميه ميه .. نشرب بقى في صحة الإرهاب .. هاهاهاهاها
يشربوا كلهم
الأول – خلاص بقى .. انت معايا من بكره يا عمرو بيه .. إيه رأيك تكون مرافق ليا ؟
أبو جهل – خلاص أنا معاك .. كلام رجالة
الأول – طب يا جماعة .. هاستأذنكم أنا .. أشوفكوا بكره بقى .. في صحتكم وفي صحة بكره
صوت الراقصة عالي جدا .. أبوجهل قاعد يصقف على الإيقاع .. شوية شوية وهيقوم يرقص .. الراقصة تلاحظ حماسه .. تغمز له بعينها وتغني
يوميات ابليس بيه...................وابوجهل 36_3_11%5B1%5D

يوميات ابليس بيه...................وابوجهل 36_3_11%5B1%5D

والعب العب العب .. آه ياسيدي
العب لعب العب .. آه يا عيني
يوميات ابليس بيه...................وابوجهل F40

(أبو جهل يوطي على إبليس ) – بتقوللي انا ؟؟ أنا العب ؟؟
إبليس – لا لا .. ده الأغنية بتقول كده .. أقعد يا اخي
أبو جهل يقوم – سيبني يا عم .. دي بتقوللي انا .. أنا هاروح العب
إبليس – ياعم اقعد بقى .. هابقى اخليك تلعب .. بس بعدين بعدين
أصحاب إبليس ميتين على روحهم من الضحك .. وأبو جهل يبص لأبليس بغيظ .. ويقعد
يشربوا كاسين .. وعقدة اللسان تتحل شوية شوية
التاني (بيتكلم على المرشح زميله) – ياساتر .. الجدع ده حقنة .. أهو خلع اهه .. بص بقى يا إبليس بيه .. أنا اتخنقت من الجدع ده .. وبصراحة هو اللي هيخسرني لو فضلت معاه .. وانا مش صارف عشرة مليون عشان اخسر
ابليس – ياعم استحمله .. هو حقنة فعلا .. بس اصحابك اللي حاطينه .. نعمل لهم ايه .. عندك حل تاني ؟
التاني – آه .. شوف .. مش ده الورق اللي ورا هولك فيه اسمنا احنا الاتنين
إبليس – آه
التاني – شوف الورق ده .. ده فيه اسمي مع مرشح تاني .. كده ممكن اكسب .. ونقلب الجدع البارد ده .. أنا عارف اختاروه على ايه
أبو جهل – تقلبه يعني إيه ؟
التاني – نقلبه ياعم .. نزحلقه .. هو كان من بقية أهالينا
أبوجهل – يعني هتقول لأصحابك يختاروك انت وواحد تاني غيره
التاني – عليك نووووووور
أبو جهل – بس انا اديت الراجل كلمة اني اقف معاه .. دي تبقى خيانة
التاني – إيه ؟؟ خيانة ؟؟ .. انت هتديني درس في الأخلاق .. انت معايا وللا معاه ؟؟
أبو جهل – لا واللات والعزى .. لا تحدث العرب أني حنثت بوعدي أبدا
التاني – هاهاهاهااااااااااي .. حلوة .. بقولك ايه .. ماتبقاش تشرب كتير بعد كده .. انت شكلك كده مش قد الحاجات دي
أبو جهل – إيه ده يا إبليس .. فيه كده ؟
إبليس – أمال يا بني .. انت لسه شفت حاجة ؟؟ .. ده انا عندي حاجات تشيب .. ياللا بينا مش عايزين نسهر اكتر من كده .. لازم نصحى بدري بكره
أبو جهل – أحسن والله .. المكان ده موبوء .. أنا اتخنقت منه
يروحوا البيت قرب الفجر .. إبليس ينام ويشخر .. أبوجهل مش جاي له نوم .. أول مرة يسافر بعيد كده ومش واخد عالغربة
يسمع الأذان .. يبص عالجامع .. مافيش حد رايح الجامع .. كل شوية واحد يدخل .. تمن تسع تنفار بالكتير .. يبتسم في رضا .. أهوكده الشغل وللا بلاش .. خليه يدّن في مالطة
يحاول ينام .. بعد شوية يسمع أصوات في الشارع .. يبص من الشباك
شباب كتير خارجين من الجامع .. معاهم لوحات .. إيه اللي مكتوب عليها ده .. الإسلام هو الحل .. تااااااني ؟؟ .. كانوا فين دول ؟؟ بايتين في الجامع وللا إيه ؟؟
يحاول يسمع اللي بيقولوه .. كانوا بايتين في الجامع فعلا .. سهرانين طول الليل بيجهزوا الدعاية .. ويصلوا ويدعوا ربنا .. شكلهم فعلا ما ناموش .. يصَـحّى إبليس
أبو جهل – إصحى يا جدع انت .. اصحى .. أصحاب محمد تحت اهم
إبليس – فيه ايه يا أخي ؟؟ .. بتصحيني من عز النوم ليه
أبوجهل – أصحاب محمد تحت أهم .. بص شكلهم عامل ازاي .. دول شبه اللي كانوا عندنا في مكة بالضبط .. اعمل أي حاجة .. هتسيبهم كده
إبليس – اطمن انت بس .. مش قلت لك كل شيء محسوب حسابه .. نام انت والصباح رباح
أبو جهل – أنام ازاي .. بص بيسلموا على بعض ازاي .. دول شكلهم بيحبوا بعض أوي .. انت ازاي سايبهم كده .. ؟؟ .. انا هاخد السيف وانزل لهم
ابليس – سيف ايه بس بلاش فضايح .. سيبهم لي وانا هاتصرف .. انت تتفرج بس .. نام بقى
أبو جهل – طيب هانام .. أما نشوف آخرتها
يوميات ابليس بيه...................وابوجهل 36_1_50%5B1%5D

يوميات ابليس بيه...................وابوجهل 36_1_50%5B1%5D

katkota

katkota: مطرب مشهور; المشاركات : 2004
العمر : 35
موقع سكنك : الدنيا الواسعة
وطيفتك : عايشة والحمد لله
مزاجى اليوم :
المهنة :
الهواية :
الأوسمة :
وسام 1 :
تاريخ التسجيل : 29/12/2009
نقاط التميز : 7603
السٌّمعَة : 1

مساهمة رقم 15

رد: يوميات ابليس بيه...................وابوجهل

من طرف katkota الثلاثاء سبتمبر 21, 2010 5:04 pm

كمل يا مداميلو

بجد حلوة اوي

لأ المصيبة ان ابو جهل مش عاجبه اللي احنا فيه!!!!!!!!!!!!!!

كارثة فعلا

ربنا يهدي الجميع

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 16

رد: يوميات ابليس بيه...................وابوجهل

من طرف madamelo الأربعاء سبتمبر 22, 2010 1:26 am

الحلقة السادسة

أبو جهل – يا ساتر .. ايه القرف ده .. ايه المكان ده يا إبليس ؟ يوميات ابليس بيه...................وابوجهل 36_11_20%5B1%5D

إبليس – أنا ليا واحد صاحبي هنا .. واخد توكيل توزيع البانجو في البلد .. ولازم كل ما آجي اطمن عليه
أبو جهل – بس الناس دي عايشة هنا ازاي كده .. امال الحتة اللي كنا فيها امبارح كانت نضيفة أوي .. معقول دي بلد واحدة
إبليس – آه طبعا .. بس حبة فوق وحبة تحت .. مش قلت لك ان اصحابي الحرامية الكبار سرقوا البلد .. أخدوا فلوس الناس دول وسكنوا في حتت نضيفة ومحترمة ودول بقى عايشين في الفقر ده
أبو جهل – أنا باعمل كده بصراحة .. وكتير كنت باكل على الناس فلوسها .. واشغلهم بالسخرة .. واللي يتكلم يبقى يا ويله .. بس ماكنتش فاكر المسلمين برضه كده .. انت عارف ابوبكر صاحب محمد(صلى الله عليه وسلم)؟؟
ابليس – ابن أبي قحافة ؟؟ .. ياااااه انا ما باكرهش في الدنيا دي قده
أبو جهل – أهو انت عارف أبو بكر ده ؟؟ .. مرة اشترى تلات عبيد من فلوسه عشان كنا بنعذبهم عشان يكفروا بدين محمد (صلى الله عليه وسلم)
ويرجعوا لديننا .. مع ان العبيد دول ولا هينفعهوه بحاجة
إبليس- لا اطمن .. دلوقت أنا ظبطت الناس أوي .. ماحدش بيخدم حد غير لما يكون عنده مصلحة .. عايز منه حاجة .. مافيش حاجة ابدا لوجه الله
يوميات ابليس بيه...................وابوجهل F40

يلمح أبوجهل مجموعة من الشباب .. لابسين تي شيرتات مكتوب عليها صناع الحياة .. واقفين وحواليهم مجموعة من الأهالي .. يقرب منهم هو وإبليس
واحد من الفريق – وياريت يا جماعة نحاول نخلص النهارده ان شاء الله .. الموضوع محتاج جهد جامد .. بس انتم شايفين الوضع صعب ازاي من غير مَيـّه
أحد الأهالي – ربنا يوفقكم يا بني .. والله أهل الحتة كلها بيدعوا لكم .. مش عارفين نشكركم ازاي
واحد من الفريق – يا حاج ما تقولش كده .. احنا محتاجين الثواب أكتر مانتم محتاجين الميه .. احنا اللي بنشكركم انكم اديتونا الفرصة دي .. والناس لبعضيها برضه
أبو جهل يقرب منهم – هو فيه إيه .. بتعملوا ايه هنا ؟؟
واحد من الفريق – إحنا يا عم الحاج جايين ندخل الميه الحلوة للمنطقة .. لإنها عشوائية والناس بتشرب ميه ملوثة .. واحنا جمعية خيرية وبنحاول نساعد الناس قد مانقدر
أبو جهل – وهتاخدوا منهم كام في الشغلانة دي ؟؟
واحد من الفريق – لا .. أهل الخير كتير .. ناس اتبرعت بالمواد .. وناس خلصت لنا الإجراءات في الحي .. واحنا هنعمل أقل حاجة .. هنوصل المواسير للبيوت
أبو جهل يبص لإبليس بغيظ – إيه يا إبليس العيال دول ؟؟ .. انت مش قلت لي انك ظبطت الناس .. وكله بالمصالح وماحدش بيخدم حد ؟؟
إبليس (بخزي) – بس بس ما تحسرنيش .. أنا عايز الأرض تنشق وتبلعني .. بس سيبك انت .. انا هاشتغل عليهم دلوقت .. هأخلي كل واحد منهم نيته تتغير .. وبدل ما بيشتغل لله يقعد يستنى نظرات الإعجاب من الناس .. يتعب بقى زي ما يتعب .. في الآخر ولا حسنة واحدة .. سيبني بس أركز
رئيس الفريق للمجموعة – طيب يا جماعة اسمحوا لي .. قبل ما نبدأ الشغل بس كل واحد يجدد نيته .. ويحتسب أجره عند الله سبحانه وتعالى .. انتم عارفين الشيطان بيجري من ابن آدم مجرى الدم .. استعيذوا بالله من الشيطان الرجيم .. ياللا توكلوا على الله
إبليس يتضاءل جدا .. يصغر .. يصغر .. يصغر من الاستعاذة بالله .. أبو جهل يبعد من المكان بأقصى سرعة وهو في قمة الغضب .. ينطلق صوت الأذان .. صوت عذب وجميل جدا

الله أكبر الله أكبر الله أكبر الله أكبر
أشهدأن لا إله إلا الله
أشهد أن محمدا رسول الله

يوميات ابليس بيه...................وابوجهل F11

يوميات ابليس بيه...................وابوجهل F11

الشباب يسيبوا اللي في إيديهم ويتجهوا أفواج للمسجد .. ابتسامة جميلة على وجوههم .. الابتسامة اللي أبو جهل بيكرهها .. وبتفكره بأصحاب محمد .. الأهالي يتجهوا للمسجد بأعداد كبيرة .. ينفجر من شدة الحسرة والغضب .. إبليس يرجع وياخده بسرعة عشان يهربوا من المكان .. يروح يلاقي مفاجأة سارة في انتظاره
العربية اتسرقت .. تلاميذه شغالين كويس .. الحمد لله .. الدنيا بخير .. هههههههه

وهنشوف ايه اللي حصل الحلقه اللي جايه

katkota

katkota: مطرب مشهور; المشاركات : 2004
العمر : 35
موقع سكنك : الدنيا الواسعة
وطيفتك : عايشة والحمد لله
مزاجى اليوم :
المهنة :
الهواية :
الأوسمة :
وسام 1 :
تاريخ التسجيل : 29/12/2009
نقاط التميز : 7603
السٌّمعَة : 1

مساهمة رقم 17

رد: يوميات ابليس بيه...................وابوجهل

من طرف katkota الأحد سبتمبر 26, 2010 9:32 am

بجد حلوة اوي وفكرتها كمان جميلة

منتظرة الباقي

سندباد

سندباد: نائب المدير; المشاركات : 3097
العمر : 41
موقع سكنك : المنصوره
وطيفتك : طبيب اسنان
مزاجى اليوم :
المهنة :
الهواية :
الأوسمة :
وسام 1 :
تاريخ التسجيل : 18/01/2007
نقاط التميز : 8716
السٌّمعَة : 9

مساهمة رقم 18

رد: يوميات ابليس بيه...................وابوجهل

من طرف سندباد الأربعاء سبتمبر 29, 2010 3:47 pm

واصل الحلقات ... حلقات جيده وممتعه

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 19

رد: يوميات ابليس بيه...................وابوجهل

من طرف madamelo الأربعاء سبتمبر 29, 2010 10:58 pm

الحلقة السابعة

سبنا أبو جهل وإبليس وهم دايخين في الشارع بعد ما عربية إبليس اتسرقت .. إبليس هيتجنن يوميات ابليس بيه...................وابوجهل 36_11_20%5B1%5D

لإنه مش عارف يتصرف أو يتصل بأصحابه لإن الموبيل عطلان .. أبوجهل مابين انه فرحان جدا بأخلاق المسلمين البايظة .. وبين انه متضايق عشان حركة العربية
إبليس مش عارف يتصرف .. الشباب حسوا ان فيه مشكلة .. توجهوا لمساعدتهم
واحد (يوجه الحديث لأبو جهل) – خير ان شاء الله يا حاج .. فيه حاجة ؟؟
أبوجهل – العربية اتسرقت .. أنا مش عارف ايه اللي بيحصل في البلد دي
واحد ( يحس بلكنة غريبة في كلام أبو جهل .. يفتكره سايح ) – لامؤاخذة يا حاج والله .. حاجة تكسف .. حضرتك بس اتفضل معانا نصلي سوا .. ونحاول نتصرف بعد الصلاة ان شاء الله .. اتفضل اتفضل
بقية الشباب – أيوه .. نصلي سوا وربنا يحلها ان شاء الله
أبو جهل ( يبص لإبليس ) – لأ .. أصل .. يعنيييييييي
إبليس يختفي فجأة .. فص ملح وداب .. وأبو جهل يلاقي نفسه مدفوع دفعا للجامع .. يدخل مع الشباب .. ويروح على الحمام فرارا من الصلاة .. لحد ما الصلاة تخلص
واحد من الشباب .. يسلم على أبو جهل بعد الصلاة – تقبل الله يا حاج .. أمال فين الأستاذ اللي كان مع حضرتك ؟؟
أبو جهل – ده صلى وطلع على طول بعد الصلاة .. موضوع العربية شاغله أوي
واحد تاني – ولا يهمك .. إن شاء الله نتصرف .. ياللا بينا
أبو جهل يدور على حذائه .. يدور .. يدور .. يدور .. حزروووووووووا حصل إيه .. أيوه بالضبط كده .. مع الأسف الشديد .. جزمته اتسرقت .. إخص على كده
أبو جهل – إيه يابني ده .. معقول الجزمة تتسرق في الجامع ؟؟ .. معقول ؟؟ هم المسلمين دلوقت بقوا كلهم كده ؟؟
الشباب في نص هدومهم .. واحد منهم يتطوع بحذائه عشان الراجل الغريب
– معلش والله يا حاج .. مش عارفين نقولك ايه .. للأسف بعض الناس بتسيء للإسلام جدا .. ربنا ينتقم منهم .. اتفضل حضرتك .. البس الجزمة دي وان شاء الله تطلع على مقاسك
أبو جهل ياخد الحذاء وهو مضطر .. يلبسه ويطلع .. ياخد إبليس على جنب ويمسك فيه
أبو جهل – وكمان يسرقوا جزمتي .. لااااااا .. ده انت زودتها أوي
إبليس – معلش .. جت فيك يا عمور .. أصل جزمتك غالية .. لقطة بقى .. هههههههه .. انت عارف .. أنا حرّمت ناس كتير أوي يخشوا الجوامع بسبب المواضيع دي .. واللي بيصلي مابقاش عارف يركز في الصلاة وللا يبص على الجزمة
أبو جهل – المهم .. هنعمل إيه دلوقت في موضوع العربية
إبليس – أمرنا لله بقى .. نشوف الشباب دول يساعدونا
يوجه كلامه للشباب – نروح نبلغ البوليس .. وللا نعمل ايه في موضوع العربية ده ؟؟
واحد من أهل المنطقة – إزاي بقى .. ده انتم ضيوفنا .. سيبنا احنا نتصرف ونجيب العيال اللي سرقوا العربية دول من تحت الأرض
شوية كده .. ويظهر واحد معلم كبير من أهل المنطقة .. ومعاه عيلين .. ينزل فيهم ضرب
المعلم – فين ياد انت وهو الوله زقزوق
ولد منهم – آآآآي .. والله ما عرف يا معلم .. آآآآآآآآآي .. قفايا ورم حرام عليك
المعلم – اوع تكون فاكر نفسك عند الحكومة وهنطبطب عليك .. ده انا هاعلقك هنا لو ما جبتليش الواد ده في ساعة تاريخه
الولد – آآآآآىي .. حاضر يا معلم .. هاجيبه .. هاجيبه
إبليس لإبو جهل – يا نهار اسود .. زقزوق ؟؟
إبو جهل – انت تعرفه ؟
إبليس – أيوه .. ماهو ده صاحبي اللي كنت جاي له
أبو جهل – أيوه .. كده صح .. ماهو انت هتعرف مين غيره ؟؟ .. بس برافو عليك .. عرفت تربي
أبليس – أربي .. ده انا هاديله جـِـزا .. مالقاش غير عربيتي يسرقها
إبو جهل – عشان تحرم تسلط اصحابك على جزمتي
شوية كده وتظهر العربية .. والمعلم الكبير يعتذر لإبليس
المعلم – لا مؤاخذة ياباشا .. عربية سعادتك سليمة اهي .. والواد زقزوق تاويناه .. وآخر مرة ياباشا
إبليس – شكرا يا معلم .. أنا مش عارف من غيرك كنت هاعمل ايه
ينطلق إبليس وأبو جهل بالعربية .. فجأة أبو جهل يحس بآلام شديدة في بطنه
أبو جهل – بطني .. آآآآآآه .. إلحقني يا إبليس .. مغص جامد أوي
إبليس – سلامتك يا أبا الحكم .. مالك .. فيه إيه ؟؟
أبو جهل – سكاكين بتقطع في بطني .. ألم رهيب
إبليس – طيب .. نطلع على المستشفى حالا
يطلعوا على مستشفى خاص جدا .. جدا .. جدا .. واستثماري جدا .. جدا .. جدا
يتبع ان شاء الله

emy

emy: مشرف عام; المشاركات : 3817
العمر : 32
موقع سكنك : cairo
وطيفتك : طالب
العمل او الترفيه : الكمبيوتر والقراءه
مزاجى اليوم :
المهنة :
الهواية :
وسام 1 :
وسام 2 :
تاريخ التسجيل : 02/08/2009
نقاط التميز : 9843
السٌّمعَة : 10

مساهمة رقم 20

رد: يوميات ابليس بيه...................وابوجهل

من طرف emy الخميس سبتمبر 30, 2010 7:15 pm

وااااااااااااااصل ونحن معك
تسلم الايادي ياميدو ع القصة

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 21

رد: يوميات ابليس بيه...................وابوجهل

من طرف madamelo الأحد أكتوبر 03, 2010 12:08 am

منوره التوبيك
ايمي

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 22

رد: يوميات ابليس بيه...................وابوجهل

من طرف madamelo الأحد أكتوبر 03, 2010 12:11 am

الحلقة الثامنة

يطلعوا على مستشفى خاص جدا .. جدا .. جدا .. واستثماري جدا .. جدا .. جدا
يدخلوا المستشفى .. الممرضات في الاستقبال يلمحوا شكل أبو جهل .. باين طبعا انه سايح .. كله يقوم يعرض خدماته
مناظر الممرضات في الاستقبال خلت أبو جهل ينسى اللي هو فيه .. أشد من أي مسكن آلام .. بقى ماشي عينيه في وسط راسه
أبو جهل لإبليس – ايه ده يا إبليس .. انت متأكد ان احنا في مستشفى مش في زأططة
إبليس – وطي صوتك ماتفضحناش .. هو الطب الحديث كده .. العلاج من أول نظرة
أبو جهل – بقى كده .. والله انت ميه ميه .. طب خلينا نشوف شغلنا احسن أنا حاسس ان روحي هتطلع
يتجهوا للدكتور .. إبليس يشرح له الموقف .. الدكتور يأمر بتحويل أبو جهل عشان يعمل رسم قلب
إبليس – رسم قلب إيه يا دكتور .. الراجل بطنه واجعاه .. مش قلبه
الدكتور – انت هتعلمني شغلي . ما تيجي تكشف انت وبلاش انا .. لو سمحت اتفضل انت بره .. يا سوسو .. خدي الأستاذ عشان رسم القلب
سوسو لأبو جهل – اتفدّل يا أستاذ .. بسيتة خالس .. جاست فايف مينيتس
يمشي معاها أبو جهل زي المسحور .. معقول سوسو دي هي اللي هتعمل له رسم القلب .. ايه الهنا ده .. رسم قلب رسم قلب .. بس نعيش
تدخل سوسو وأبو جهل غرفة رسم القلب .. أبو جهل ينام على السرير .. يغمض عينيه وهو في قمة السعادة
سوسو تنادي على زميلتها – يا حفيظة .. حفيظة .. تعالى عشان تعملي رسم القلب للأستاذ
تلتفت لأبو جهل بابتسامة رائعة – سوري سير .. سي يو
وفي لحظة يلاقي أبو جهل نفسه مع الست حفيظة الحكيمة .. ذات السبعين ربيعا .. تقبض عليه بإحكام وتلف حوالية أسلاك الجهاز .. يفقد أبو جهل النطق .. والسمع .. والبصر .. ويروح في غيبوبة عميقة
يفيق على إيد خشنة تهزه بعنف - خلاص يا حاج .. اتفضل قوم
أبو جهل ( فزعا ) – فيه إيه .. فيه إيه ؟؟
حفيظة – اتفضل على الانتظار .. رسم القلب خلص
يطلع أبو جهل .. يلاقي الدكتور بيتكلم مع إبليس .. وإبليس مكشر خالص
الدكتور – زي ما بقول لك كده .. ورم في الكلية اليسرى .. لازم تتشال حالا
إبليس – كده ؟؟ .. يشيل الكلية مرة واحدة ؟؟
الدكتور – اطمن خالص ..هو حالته خطيرة .. بس الموضوع أندر كونترول .. ما تقلقش خالص سعادتك .. هو البيه هيدفع بالدولار وللا بالمصري
إبليس – اللي تشوفه سيادتك .. بس الله يخليك .. الراجل ده أمانة في رقبتي .. ولازم أرجعه لأهله صاغ سليم
الدكتور – لا .. لا .. اطمن خالص .. العملية مش هتاخد كتير
ابليس يقعد في الانتظار .. وأبو جهل في غرفة العمليات .. شوية كده وييجي له واحد .. شكله مش غريب .. إبليس شافه فين .. فين .. مش فاكر
الواحد – لامؤاخذة .. مش سعادتك برضه الأستاذ إبليس
إبليس – أيو ه يا بني .. انت تعرفني ؟
الواحد – أيوه .. أنا شيطان من شياطين الإنس .. باشتغل هنا .. اتشرفنا يا فندم
إبليس – أهلا وسهلا .. طيب ياريت توصي الناس اللي هنا عليا .. احسن معايا ضيف هنا وبيعمل عملية
الواحد – ما هو انا جاي لك عشان كده
إبليس – عشان كده .. ليه ؟؟
الواحد – الحكاية بصراحة إن صاحبك سليم .. وما عندوش حاجة .. هو بس صباعه كان مدوحس
إبليس – أمال ايه حكاية الكلية والعملية .. إيه الحكاية ؟
الواحد – حوارات كلها من الآخر كده .. الدكتور ده متفق مع واحد عايز يعمل زرع كلية وهيسرق كلية صاحبك ويبيعهاله بخمسين ألف جنيه .. لولا اني شفتك وعرفت انه صاحبك كنت سبته يسرقه .. ماهو انا اللي باظبط له الحاجات دي .. تربيتك يا باشا
إبليس – الله يخرب بيوتكو .. يا مجرمين .. يا نصابين .. يا فجرة
يقوم إبليس ويخبط على الدكتور .. يطلع الدكتور .. إبليس يمسك فيه .. ويخشوا في حوارات طويلة لحد ما يسيب أبو جهل .. مقابل انه يدفع تمن الكشف ورسم القلب وأجرة طبيب التخدير وحجرين معسل عشان يعدل مزاج الدكتور .. بسيطة خالص عشر تلاف جنيه بس .. يدفعهم إبليس وهو صاغر .. تلاميذه بقى .. هيكسفهم ؟؟
يطلعوا بره المستشفى .. إبليس يحكي لأبو جهل الحكاية .. أبو جهل يموت على نفسه من الضحك .. ويسأل إبليس
أبو جهل – بس قوللي .. الجماعة دول مسلمين برضه ؟
إبليس – أيوه .. ماهم كاتبين في مدخل المستشفى .. لا إله إلا الله
أبوجهل – آه .. آه .. مادام مكتوب عليها .. يبقوا أكيد مسلمين

ولسه التقيل جاي
وده امتي يا حلوين
الحلقه اللي جايه

aosamy

aosamy: مشرفة المنوعات الاسلامية; المشاركات : 4266
العمر : 30
موقع سكنك : السادس من اكتوبر
وطيفتك : طالبه
العمل او الترفيه : تشجيع المواهب
مزاجى اليوم :
المهنة :
الهواية :
الأوسمة :
وسام 1 :
وسام 2 :
تاريخ التسجيل : 27/06/2009
نقاط التميز : 10052
السٌّمعَة : 1

مساهمة رقم 23

رد: يوميات ابليس بيه...................وابوجهل

من طرف aosamy الجمعة أكتوبر 08, 2010 11:46 pm

ههههههههههههههههههههههههههههههههههههههه
حلوة اوى يا احمد بجد
لا وايه احلى حاجه ابو جهل لما شاف سوسو
و صحى على حفيظه يا عينى
ههههههههههه

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 24

رد: يوميات ابليس بيه...................وابوجهل

من طرف madamelo السبت أكتوبر 09, 2010 1:46 pm

امااااااال يا بنتي
مش لازم يظبطوا الزباين
وبعد كده
يقرطصوهم
ولا انتي ايه رايك

madamelo

madamelo: مشرف عام; المشاركات : 6528
العمر : 34
موقع سكنك : any where
مزاجى اليوم :
المهنة :
الهواية :
الأوسمة :
وسام 1 :
وسام 3 :
تاريخ التسجيل : 15/12/2008
نقاط التميز : 12421
السٌّمعَة : 3

مساهمة رقم 25

رد: يوميات ابليس بيه...................وابوجهل

من طرف madamelo السبت أكتوبر 09, 2010 1:48 pm

الحلقة التاسعة

إبليس – طيب أنا بقى هانسيك كل القرف اللي شفته اليومين دول .. وهاعيشك في جو ميه ميه .. هتنسى نفسك
أبوجهل – آه .. تعال نروح زأططة .. انت مش قلت لي هاخليك تلعب ؟؟
إبليس – لا ياراجل .. زأططة إيه وبتاع ايه .. احنا هنروح نسهر النهارده سهرة حكاية .. البلد كلها بتسهر اليوم ده .. بمناسبة الكريسماس
إبو جهل – الكريسماس .. بس ده مش عيد المسلمين
إبليس – وماله .. بس أنا علمتهم يحتفلوا بيه كل سنة .. لغاية ما بقت عادة عندهم .. ويشربوا ويرقصوا .. وووووو يهيسوا
أبو جهل – لا لا ياراجل .. معقول ؟
إبليس – طب انت هتشوف بنفسك .. أدي احنا وصلنا أهو
يدخلوا قاعة الاحتفال .. فندق عشر نجوم .. كل نجم انقح من اللي جنبه .. نجوم ايه بقى .. ولا نجوم هوليود .. أبو جهل يفرك عينيه بشدة .. أنا في حلم وللا في علم .. رقص وهيصة وسكر ومسخرة .. مش ممكن .. مش ممكن .. أبو جهل شرِب وهيّص ورَقَص .. وفجأة .. النور انطفى .. وبدأ يسمع همهمات غريبة حواليه
أبو جهل – إيه ده يا إبليس .. كبسة دي وللا إيه ؟
أبليس – لا .. دي بقى أحلى لحظة في الليلة كلها .. النور بينطفي وكل واحد هو ونصيبه
أبو جهل – يعني إيه هو ونصيبه
إبليس – دلوقت تشوف
فجأة أبو جهل لقى إيدين رقيقة تتلف حوالين رقبته .. وواحدة بتكلمه بهمسات حالمة .. دارت رأسه .. وكان هيقع على الأرض لولا إنه وقع بين إيديها .. استرخى وهو بيحلم أحلام سعيدة جدا .. ياترى دي كانت الشقرا اللي جنبه .. وللا اللي لابسة فستان ازرق ؟؟
وفجأة .. رجع النور .. ابتسم ابتسامة رقيقة .. وفتح عينيه عشان يشوف هو بين إيدين مين .. يا سلاااااااااااااام .. مين ؟؟ .. حفيظااااااااااااااا .. لااااااااااااء .. الحقونيييييييييي .. هي حفيظة بتاعة مستشفى الحرامية .. الله يخرب بيتك يا إبليس الـ ......
جري من بين إيديها فزعا .. وخد إبليس وطلعوا جري
الجرسون مستنيهم على الباب – الحساب يا حضرات
إبليس – معلش يا بو جهل حاسب انت عشان صرفت الكاش اللي معايا في المستشفى
إبو جهل – أوي أوي
يمد إيده في جيبه .. المحفظة .. المحفظة .. المحفظاااااا .. اتسرقت يا إبليس .. اتنشلت .. كده برضه يا حفيظة .. وآدي آخرة اللي يمشى ورا الشيطان

البس بقي يا ابو جهل
ونكمل الحلقه اللي جايه

انتقل الى الصفحة : 1, 2

www.mazika4ever.tk

يوميات ابليس بيه...................وابوجهل