::• منتدى الترحيب والتهانى •::
السلام عليكم و رحمه الله و بركاته
اهلا بكل مصرى شريف مخلص شجاع بيحب
وطنه و بيدافع عنه .. اهلا بكل عربى و خليجى بيحب مصر و يدعوا لها بالاستقرار و النصر
اهلا بالجميع
يا جماعه انا حبيت اتكلم معاكوا و بالعاميه كمان عن اللى بيحصل فى البلد
ايه رايكم فى الناس اللى عامله زى الانسان الالى و الاجانب بيمشوها فى التحرير و بيزعموا انهم بيعملوا كدا بيطلبوا بحقهم
حد يقولى ايه المطالب اللى عايزنها و الرئيس نفذ كل اللى طلبوه
و حد يقولى ان كانوا حقيقى وطنيين و نفسهم يغيروا البلد للاحسن يخدوا فلوس من الاجانب و اكل عشان يقعدوا فى الميدان و يخربوا و يعملوا بلبله فى البلد
انا ساكنه فى مكان حصلت فيه حاجات قسمين اتحرقوا البلطجيه اتهجوه على المنطقه اللى جنبىو امبارح هجموا على منطقتى الساعه 3 بليل و بالاسلحه بس الحمد لله الشباب الوطنى الحقيقى هجموهم لغايه ما هربوا و ربنا حمانا
يرضى مين .. البلد ادمرت و المؤسسات اتهدمت و الاقسام اتحرقت و المساجين هربت و الناس اللى اتصابت و .. و... و..
كل داااااا و عايزين يغيروا البلد
دماغهم مغسوله للدرجه دى و اللى بعتين البرادعى الى ميستحقيش يقف على ترابنا و لا يكون ليه جنسيه مصريه اصلا جاى عشان يدمر البلد و يبعها و يعمل فيها زى ما عمل فى العراق دا تقولوا عليه
و ليه بيشتموا الريس طب افتكروا حاجه بسيطه بس
مين اللى حارب و دافع عن البلد بروحه مش كان ممكن يموت بس ضحى بنفسه و حارب لغايه ما انتصر
مين اللى رجع طابا من فم الاسد من غير نقطه دم واحده
مين اللى وحد العرب تانى و جمعهم بعد ما كانوا بعاد عننا بعد معاهده السلام للسادات
افتكروا حاجه بسيطه بس ليه
على الاقل هو مهربش من البلد و فاضل فيها و بيصلح الاوضاع من غير ما حد غريب يدخلها و يحتلنا
مين اللى عمل دا كله
دى حاجات بسيطه افتكروهاله بس
انا حبيت بس اكلمكوا عشان انا من الناس اللى كنت خايفه جدا انتوا مش شوفتونى اليومين اللى فاتوا دول
و القنوات اللى بتزود النار
احب اقول حاجه اخيرة
قناة الفتيله فين !!!!!!!!!!! المصريين أهم شوفى و بصى لا للمزياده و لا للتخريب شعب مصر واحد و سيظل كذلك مهما حاولت أمثالك إشعال نار الفتنه بين أبنائها و بالبلدى إتهدى ما انتيش أد بلدى و قولى للى تبعك دى بلد بجد قويه
و اقول كلمه اخيرة
تحيااااااااااااااااااااا مصر .. و يحياااااااا الريس الحكيم .......... و ستظل مصر دائما فوق الجميع و لن يستطيع احد ان يدخلها ابدا باذن الله
و لكل الدول التى تريد خراب البلد و زعزعت الوحده بين المواطنين
فلن يقدر احد ان يفعل ذلك و من الاخر ارتاحوا و كلوا نفسكوا بقى
عدل سابقا من قبل aosamy في الخميس فبراير 03, 2011 5:57 am عدل 1 مرات
