موضوع حلو سندباد انك تفتحه
لازم الحوار فى كل شىء لنصل لافضل النتائج و كمان عشان نمشى على سنه حبيبنا رسول الله عليه افضل الصلاة و السلام .. كان بياخد بالمشورة و دا اللى لازم نمشى عليه
دلوقتى البلد بتتغير لازم نلحق التغيير دا و نوجهه للطريق الصح اللى هيعلى بلدنا مش يكون تغير مؤقت كام سنه و الفساد يرجع تانى
المفروض نشيل جذور الفساد نفسها
عشان نتغير بجد مش الاساس اننا نغير نظام او مسئولين لازم نغير من نفسنا الاول نقضى على الاحقاد و النفاق اللى فى قلوبنا الاول .. نحى ضميرنا .. الفترة اللى فاتت كميه الفاسدين اللى فى البلد لا يعدوا من كثرتهم مش بس النظام و الحكومه
فالمدرس اللى مش بيشرح و بيراعى ضميره بالفلوس اللى بياخدوها و كانت حجته انها قليله و يدى دروس و يستغل الناس دا كان فاسد و المصيبه الاكبر برغم اللى يبيعمله دا مش بيراعى زمته حتى فى الدروس و التعليم بايظ
بتوع المحليات و المصلحات الحكوميه اللى درجهم مفتوح و يغيروا اسم الرشوة عشان يعرفوا ياخدوها و تتدخل جيبهم يقولوا عليها اكراميه او كوبايه الشاى لا و كانوا يطلبوها و ياخدوها عينى عينك حتى بقت ثقافه و اللى بيروح بيعمل مصلحه بقى من نفسه بيعمل كدا و بيشارك فى الفساد الا من رحم ربى
التصارع الموجود للوصول لمركز كبير ان كان بالطرق المشروعه او الغير مشروعه
خلاص الضمير كان مات
البعد عن الدين و عن افعال رسول الله عليه افضل الصلاة و السلام
فكنا لا نفرق بين القبطيه و المسلمه بالحجاب فقط اما باقى اللبس كله واااحد
لازم نعرف الاخطاء كويس عشان نعرف نتخلص منها فدى اول طرق حلول المشكله
نبدا بقى نعمل بجد و اعتقد دلوقتى الناس خلاص قدرت تتكلم و الشباب كل العالم اعترف بيهم انهم رجاله
و اعتقد دا هيديهم الثقه و الحمل فى نفس الوقت فهما هيبداو يشتغلوا عشان يخلوا الصورة ثبته عند كل الناس
نبدا الاصلاح .. الاهتمام بالدين بشكل صحيح ... الاهتمام بالتعليم و اعطائه كل ما يتطلب لانتاج طلاب مبدعه مبتكرة كل جديد
يهتموا بالجزء العلمى فى القائه و ليس التعليم النظرى الذى لافائده له .... لما الاهتمام بالتعليم و الدين حدث هيطلع جيل جديد فاهم واعى مبتكر يحب العمل و كله نشاط و هنقدر نستغله افضل استغلال فى تقدم الاقتصاد و جميع المجالات فى الدوله و هنلاقى مصر فى اقل فترة ممكنه من اكبر دول العالم
الاخلاق الانسانيه لازم نرجعها تانى . التعاون و التواصل و المساعده للاخرين ... و الحمد لله الشرطه اخدت درس جامد اوى و باذن الله تكون احسن من الاول
بس اعتقد برغم الحاجات اللى حصلت فى الثورة حلوة و رجعتلنا حريتنا ليها شىء سيىء
دلوقتى كل واحد فى الشارع بيقول مبقاش حد كبير عليا
يعنى الطالب بسهوله لو مدرس مش عجبه ممكن يتطاول عليه او موظف على مديره
هيسهل التطاول على الاكبر مننا حتى فى السن زى ما عملوا مع الرئيس مبارك ... رمز البلد اكبر واحد فى الدوله اتشتم و اتهان امام العالم كله يبقى انت يا مدرس او يا مدير هتقدر عليا
بس اتمنى الناس تغير الفكرة دى من دلوقتى عشان متبقاش عاده عندنا
تانى حاجه .. طلبوا الحريه و بالفعل اخدوها و لسه فى طريقنا اليها لاخذها بالكامل هى و الديمقراطيه
دلوقتى بقى الاخوان غير محظورين و الحريه اللى بينادوا بيها يعنى كل شخص هيقدر يتكلم على افكاره
و هنلاقى افكار متشدده جدا او افكار علمانيه لتقليد الغرب او او او
هنلاقى كميه افكار متضاربه جدا و كل شخص هيحاول يجمع الناس على فكره
فممكن يكون فى صراع فى الموضوع دا
زى ما مثلا البرادعى جيه و بيقول عايزين حريه و نشر الشذوذ الجنسى ما دى بقى حريه يوميه لكل انسان مال الحكومه بالموضوع ممكن الفكرة دى تتعم الله اعلم و كان بيطالب بيها بردوا صحفيه لبنانيه عايشه فى باريس لما حصل ثورة علنيه لطلب الحكومه اللبنانيه باعطاء الشرعيه للشذوذ بحريتهم و يكون قانون فى الدوله فهذه الصحفيه كانت تطالب بعض الدول العربيه و اولها مصر باعطاء هذ ه الحريه لشعبها عشان نكون مثل اوروبا ليه هو احنا اقل منهم فنحن دوله عربيه كبيرة و لازم نساير التقدم ... سبحان الله .. الله الغنى عنها
او نشر البهائيه
هنلاقى افكار من كل الاصناف فياريت الكل يحافظ على القيم الاسلاميه التى لاتدعو للتشدد او العلمانيه
ان دين الاسلام يدعو للتوسط فى كل شىء
لازم نخلى بالنا من كل الاشياء دى من الحلو و الوحش و نبدا بنفسنا و اكيد البلد بل الدول العربيه كلها هتكون فى احسن حال عشان هما هيقلدونا زى ما فى بعض الدول دلوقتى استنت رد فعل حكومتنا و بعدين عملت ثورة
ربنا يهدى شباب امه الاسلام و يهديه اللى طريق الثواب و الصلاح ... اللهم قنا شر انفسنا و اصلح ذات بيننا و حببنا فى بعضنا و اطرد الشيطاين من بيننا و اصلح حال مصر و عدى بها الى بر الامان
يااااااااااااااااااااااااارب العالمين ... اللهم امين
اسفه على الاطاله بس حبيت اتكلم معاكم شويه فى الموضوع دا عشان انا دلوقتى بالفعل شايفه افكار طلعت غريبه مكنتش موجوده و بتناقش مع ناس كتير فى الموضوع دا
اتمنى لكم كل خير
