::• المواضيع الجادة والنقاش الجاد •::
اجتمعت مجموعه من التوبيكات فى منتدى ما ودار بينهم الحوار التالى
التوبيك الاسلامى
يا اخى الناس مش معبرنى ليه ..... مع انى توبيك ذات قيمه وهادف ؟؟
فرد توبيك الفكاهه وهو يبتسم كعادته ....
اصل الناس داخله المنتدى تفرفش وتضحك ... من الحياه اللى بنعيشها
- وايه الحياه اللى بنعيشها ماهى عال العال ؟؟
- لا طبعا .... حياه شغل او امتحانات ... لازم الشباب يرفه عن نفسه بتوبيك كوميدى
- ممكن بس ده ميمنعشى يبصوا للتوبيك الاسلامى ولو مره واحده
-
ياعم توبيك اسلامى ايه اصلا المنتدى الاسلامى بتاعك ده محوط منظر بس ....
زى ما تقول واجهه توضح ان الناس هنا متدينه .... لكن نتناقش ونعرف دينا لا
.... احنا جايين نضحك
وهنا نظر اليهم توبيك عن الصداقه والتعارف وقال
انتوا فاكرين انكم توبيكات مؤثره ؟؟
انا
توبيك باخد ردود كتير لانى بقرب الناس من بعضها .... عيد ميلاد ابو فصاده
او عيد ميلاد ام فصاده .... او ابو شهم نجح وكده ..... وكله هيخش يبارك
ويهنى
تضايق توبيك الفكاهه وراحت عنه ابتسامته
بينما وقف التوبيك السياسى وحيدا ولما اقترب ... هربت منه كل التوبيكات
وقال توبيك التعارف اهو التوبيك ده اللى عمله مستبيع ..... مش بعيد يتم اعتقاله ..... عامل قلق فى المنتدى وخلاص ....
تظر اليهم توبيك اجتماعى وقال .. انا بقى توبيك بيتحدث عن احوال المجتمع
نظر اليه الفكاهه وقال ... ابقى قابلنى
وظهر
من بعيد توبيك كروى ... فبدا ينظر اليه الجميع بضيق ... فهو يتحدث عن
الاعب الزعبلاوى المنتقل الى فريق ابو شرطتين
... وعليه اقبال غير عادى وهنا ضحك التوبيك السياسى فى هستيريا وقال الكوره لحست دماغ الناس
ابتسم التعارف وقال ... المنتدى ده يحتوى على الكثير من الاهلاويه والزملكاويه
. فهمتم بينما هم يتحدثون اذ راوا توبيكان يشبهان بعضهما البعض واحدهما يرتجف فقال توبيك الفكاهه ... مالك ؟؟
- اكيد توبيك مننا سوف يضعونه فى الريسيكل بين
- الغلطه غلطه اللى كتبك ... كررك
وبالفعل كان مصير التوبيك الى سله المهملات
.... وبدات الجنازه الخاصه بالتوبيك ووقفت التوبيكات كلها لتاخذ العزا من الفقيد وبدأ المنتدى يتقل شويه للانتهاء من تشييع الجنازه ....
وهنا انتبه الجميع لتوبيك يجلس وهو حزين وقال توبيك الدونلود مالك ؟؟
- هاحكيلكم حكايتى ... انا اللى عملنى سهر كتير بكتب فى وبعد ما خلصنى لم يجد ردود ... انا حزين لصاحبى الذى كتب التوبيك
قال السياسى .. وماذا كان مضمونك ؟؟
- كان مضمونى عن مناقشه هامه اراد صاحبها ان يقوم بها ... فتجاهلها الناس
- مشكلتك انك موضوع مبتكر وغير منقول .... لو كنت منقول لكانت الردود اكثر
- وماذنب من كتبها وتعب فيها ؟؟
- ولماذا يتعب نفسه ؟؟
- ربما يريد ان يقدم عمل جيد
- ولماذا يتعب .... ان نقل التوبيك من مكان لمكان كوبى بست ليس بالصعب
قوم اغسل وشك وفرفش كده
.... ايه يعنى ياما فى توبيكات اتعملت ماحدش رد عليها وعبرها - بس دا صاحبى تعب فيه
- وايه يعنى .... قل لصاحبك يبطل يكتب بايده وينقل
- مش هايعرف
- ليه يعنى
- ميحبش ينقل توبيكات بيحس انه انسان مش مبتكر
- خلاص يبقى يستحمل ان التوبيك محدش يرد عليه
..... قوم ياعم انته فى مشكله عن توبيك اهى وهنا ضحك توبيك الفكاهه
وقال ... اكتر توبيكين عليهم اقبال توبيك فى الالعاب وتوبيك فيه خناقه ابتسم التوبيك السياسى وقال مش عارف يا اخى انا والتوبيك الدينى بنعمل ايه هنا .... اهو كماله عدد
هتف توبيك التعارف بصوا بصوا
.... فى توبيك اتحذف - هتف التوبيك السياسى ... ليه ؟؟؟
- دا توبيك اصفر ملناش دعوه ياعم خليك فى حالك ..... اهو تاخد رد احسن ما تتشال خالص
ابتسم السياسى وقال .... امتى بقى العالم تكون ايجابيه شويه
وتعمل توبيكات ذات قيمه ؟؟ هتف الفكاهه
وحياه والدك الكلام ده سيبك منه ... مش بيجيب نتيجه .... خليك فريش احلى
حاجه هنا ان المنتدى اسره واحده مترابطه ... اذا اشتكى عضو ..........
هتف السياسى .. طبعا طبعا ..... كلنا حبايب واصحاب وشعاراتنا مفيده وجميله ..... ياريت الحب يستمر ونطور المنتدى
هتف الفكاهى ... عايز بس افهمكم حاجه ... المنتدى مكان للتجمع للهزار واضاعه الوقت والتعارف وليس للكلام الكبير
نظر توبيك النقاش وتوبيك السياسه للارض ولم يتحدثا .....
