قصص حول رمضان .... عمل خاص تقديم سندباد للخيمه ومنتدى مزيكا للابد

الحلقه السابعه

السحور

قال رسول الله صلى الله عليه وسلم

تسحروا فان فى السحور بركه ...

ونجد ان معظم المتسحرين فى رمضان يتسحرون على الفول المدمس والزبادى

والسحور يرتبط بالصائم ...



ولا اتصور ان انسان مصرى لا ياكل الفول المدمس فى السحور .... والان نسالكم اسئله

هل ارتبط الفول المدمس بسحوركم ؟؟؟

هل من الممكن ان تستغنوا عن الفول فى السحور

هل تحبون الفول المدمس ام لا ؟؟

فى احد الايام كان يجلس اب مع اولاده ياكلون وغضب احد الابناء على السحور وانه مكرر ففيه الفول والزبادى والجبن والطعميه .. وهو يريد استبدال الفول باى طعام اخر

واكلوا جميعا فيما عداه ... اما هو فتناول طعاما اخر

وقبل المغرب بساعتين كان يتالم من شده الجوع .... فقال الاب لانك غضبت على الفول

ومن يومها ياكل معهم الفول ... ويردد الاب ان خلص الفول انا غير مسئول اشاره منه انه سياكل الفول مع الاولاد ومن يتاخر غير مسئول عن عدم اكله الفول المدمس اللذيذ

شكرا مروه ودوك رامى واسلام على المرور والتشجيع

وواضح ان كلكم مدمنى فول وان كانت مروه الاخف ادمانا

الحلقه الثامنه

التمر




حثنا الرسول الكريم على تناول التمر والفطار عليه حتى ان المصلين يتناولون تمرتين وبعض الماء ثم يصلون وبعد ان يفرغوا من الصلاه ياكلون وهذا شىء صحى للغايه

والتمر فيه نسبه سكريات عاليه تعوض نقص السكر نتيجه الصيام

وحثنا الرسول على الافطار على التمر فان لم نجد فنفطر على الماء اولا

والتمر


مادة غذائية ضرورية للإنسان وقد اثبت العلم قيمتها الغذائية الكبيرة وقيل عنه انه
غذاء ودواء وفاكهة وحلوى وقد أثبت العلم قيمتها الغذائية الكبيرة وتنوع
فوائدها وقد ذكر النخيل في الكثير من الآيات والأحاديث تأكيدا على أهمية
ثماره فقال تعالى " ومن ثمرات النخيل والأعناب تتخذون منه سكرا ورزقا حسنا
إن في ذلك لآيات لقوم يعقلون " وقال صلى الله عليه وسلم : إن التمر يذهب
الداء ولا داء فيه .

من
الدلائل على أهمية التمر وقيمته الغذائية إنه كان طعام مريم عليها السلام
عندما ولدت سيدنا عيسى عليه السلام ولو أراد الله لها طعاما خيرا منه
لأطعمها إياه .


قصه مريم والتمر


يقول المفسرون: إنها خرجت وعليها
جلبابها، فأخذ جبريل بكمها، ونفخ فى جيب درعها، فحملت حتى إذا ظهر حملها،
استحيت، وهربت حياءً من قومها نحو المشرق عند وادٍ هجره الرعاة. فخرج
قومها وراءها يبحثون عنها، ولا يخبرهم عنها أحد. فلما أتاها المخاض تساندت
إلى جذع نخلة تبكى وتقولقَالَتْ
يَا لَيْتَنِى مِتُّ قَبْلَ هَذَا وَكُنتُ نَسْيًا مَّنسِيًّا) [مريم
:23]. حينئذ أراد الله أن يسكّن خوفها فبعث إليها جبريل(فَنَادَاهَا مِن
تَحْتِهَا أَلا تَحْزَنِى قَدْ جَعَلَ رَبُّكِ تَحْتَكِ سَرِيًّاوَهُزِّى
إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا.
فَكُلِى وَاشْرَبِى وَقَرِّى عَيْنًا فَإِمَّا تَرَيِنَّ مِنَ الْبَشَرِ
أَحَدًا فَقُولِى إِنِّى نَذَرْتُ لِلرَّحْمَنِ صَوْمًا فَلَنْ أُكَلِّمَ
الْيَوْمَ إِنسِيًّا)

فطعام التمر مغذيا لامره حامل فهو بمثابه غذاء متكامل

واعدكم بتقديم قصه مريم فى المنتدى الاسلامى بالكامل

شكرا اسلام ومروه للمرور

عشان مبشربش قمر الدين

اللبن فعلا احسن

.................................

الحلقه التاسعه

زينه رمضان


قبل ان ياتى رمضان ... نجد ان كل الناس قد بداوا فى النشاط استعدادا لرمضان ومن احد مظاهر الاستعداد ... الزينه التى نجدها بالاخص
فى رمضان ... فنجد ان كل شارع يزين الحاره بالزينه الائقه استعدادا للشهر الكريم

يقول احد دعاه الدين
ترى... هل هذا الاستعداد يكفي لاستقبال شهر رمضان...
وهل تلك الحلية المبتدعة الشيعية منذ أيام الدولة الفاطمية تكفي لإعطاء الشهر الكريم حقه؟؟!!!!
لابد ان نغير من انفسنا اخلاقيا ودينيا فى رمضان لا نستعد بالتزيين وانما نزين انفسنا من الداخل

رساله للتسليه

تكتبها زوجه لزوجها المتوفى

عارف كان بقالي كام سنة ما عملتش زينة رمضان ؟؟؟

من ايام لما كنت في رابعة ابتدائي

كانت آخر مرة اعمل فيها زينة رمضان

كنت نسيت اساساً ان حاجة زي كده بتتعمل

كنت نسيت الجو دا بتاع النشا اللي نعملها صمغ وكتب المدرسة والحاجات دي

بس ما تتخيلش قد ايه كنت مظأطة وفرحاااااااااااااانة لما لقيتك جاي من برة وجايب معاك حاجات الزينة


وجايب 3 فوانيس

فانوس ليا وفانوس ليك وفانوس لابننا او بنتنا اللي لسة ماجاش

حسيت كأني رجعت طفلة .. وعشت بجد فرحة رمضان

كان شكلنا مسخررررررررررة واحنا مدفوسين وسط اكوام ورق الزينة المتقطع

واحنا بنحاول نفتكر كنا بنعملها ازاي واحنا صغيرين

واول فانوس ورق عملتهولي وكتبنا عليه اسمنا

ياااااااااه شكله كان رووووووووعة .. زعلت اوي لما الهوا طيره م البلكونة

كان نفسي احتفظ بيه اووووووي

بعد ما خلصنا مشروع الزينة اللي نجح بالعافية حبيت اعيش معاك طفولتي بجد

روحت جبت نشا وعملتها صمغ

وجبت مجلات وعملنا فرع زينة صغنن شبه اللي كنا بنعمله واحنا صغيرين

وعلقنا الزينة زي المجانين في البلكونة .. ههههههههه فاكر لما الجيران كانوا بيبصوا لنا شرزاً كده هههههههههه

تاني يوم بدأوا شقة ورا التانية يعلقوا الزينة واحنا فطسانين من الضحك عليهم

لما هم عايزين يعملوا كده بيكابروا ليييييييييييييييه ؟؟


كل سنة وانت طيب يا احلى حد في حياتي

كل سنة وانت طيب يا هدية ليلة القدر :)

رمضان كريم

وسؤالى البسيط

هل تهتم بتزيين شارعك او حارتك عند قدوم رمضان ؟؟؟

يسلمو يا سندباد على الحلقة
وأحنا في البيت تصدق ده أول رمضان بنزين
في البيت
كنا بنكسل شوية
بس المرادي عملناها
شكرا وقبل مروري

شكرا دوك رامى ومروه للمتابعه .... وانا عن نفسى عمرى ما زينت الشارع

الحلقه العاشره

الخيمات الرمضانيه

انتشرت فى مصر ظاهرة الخيمة الرمضانية التى
أصبحت من السمات المميزة لشهر رمضان الكريم ، وهى تعد ملتقى العائلات التى
تسهر فى الجو الرمضانى ، وهناك ممن يهتم بأن يتضمن برنامج الخيمة التواشيح
الدينية ، وقد اهتمت الأندية الكبرى فى القاهرة خاصة بإنشاء الخيم
الرمضانية التى تمتد سهراتها حتى السحور، كما كان لمقاهى القاهرة دور بارز
فى عمل الخيم الرمضانية ذات الطابع الشعبى .


قصه من ارض الواقع

حدث ان ذهبت مع مجموعه من الاصدقاء لقضاء وقت فى خيمه رمضانيه عند استاد المنصوره .... ولما دخلنا وجدنا قائمه اسعار للمشروبات .... ووجدنا ان هناك مشروبات ساخنه واخرى بارده

والاغرب ان الكركديه والشاى والينسون وغيرها من المشروبات بعضها بارد وبعضها ساخن ... ولم تكن بالقائمه سوى اسعار لبعض المشروبات والاموال مع صديقى قليله فطلب مشروب على القد

وكانت المفاجاه ان قال الجرسون ان هذه الاسعار قديمه وان ثمن المشروب الضعف

تلعثم صديقى وقال هل هذا المشروب ساخن ام بارد ؟؟

قال الجرسون ساخن


فسال صديقى عن سعر الساخن والبارد فكانت المفاجاه ان البارد اقل ثمنا وكان رمضان فى الشتاء وقتها

فحسب صديقى السعر وكانت المفاجاه ان وجدناه يقول للجرسون ... ممكن تحط نصف الكوبايه فى الثلاجه وهاحسبك نصف بارد على نص ساخن

وقعنا جميعا والجرسون فى هيستريا الضحك ... واصر الجرسون ان يقدم له المشروب هديه رمضانيه

الحلقه 11

الزبيب وجوز الهند


هل تتخيل ان تكون هناك حلوى بدون الزبيب وجوز الهند ...؟؟؟

ودائما ما يتواجد الزبيب وجوز الهند فى الحلويات مثل القطايف والكنافه

للتسليه

هناك من يقول ان ضرب الحبيب مثل اكل الزبيب


رأيت امرأة قد نالت من زوجها ضربًا لا تحتمله بهيمة , ولا تصبر عليه آله .
فالبهيمة قد تموت أو تهرب أو تهيج , والآلة قد تدمر وتكسر ولا تنفع حتى للعرض .
ضرب
مبرح من بغيض ومحال أن يكون زوج أو حبيب .
تلك الزوجة المسكينة فقدت نعمة المودة وحرمت من الرحمة وظلمت بمجرد الزواج ...
سألتها حينها بكل استغراب ! أين اهلك وذويك ؟
أجابت بكل بساطة : أحبه وليس لي بعده أهل ولا قريب ...
إذًا :
" ضرب الحبيب كأكل الزبيب " ولديها كأكل " جوز الهند " فمحال أن يكون ذاك أثر زبيب .
هل تصدق تلك المقولة في مثل هذه الحالة ؟؟
وهل يضرب الزوج ليذيق الزوجة طعم الزبيب علمًا بأن طعمه كالعسل
..أم ضربه اختبار لصبر الحبيب !!

ولكن سنقف قليلا لنربط بين أكل الضرب من الحبيب وأكل الزبيب !!
الزبيب يتصف بالليونة والحلاوة وله فوائد جمة ... فلعل المثل يحمل في طياته معنى جميل ودعوة خيرمن حكيم وهي :
ليكن ضرب الحبيب كأكل الزبيب . فهي ليست وصف من مفعول به يرى كل العنب
زبيبًا وإنما طلب من الفاعل أن يتصف بالليونة والحلاوة فيكون لضربه فائدة
كفوائد الزبيب ....

نرجع الى موضوعنا

انصحكم جميعا باكل الزبيب وجوز الهند مع الحلويات فى رمضان

أدت دراسة حديثة أن وجبة خفيفة من فاكهة الزبيب حلوة المذاق قد يكون لها دور كبير في مقاومة

الجراثيم المتواجدة في الفم

فقد قال باحثون من جامعة Illinois أن هناك مركبات توجد في الزبيب تعمل على إيقاف نمو أنواع متعددة من الجراثيم الفموية والتي لها علاقة بحدوث تسوس الأسنان وأمراض اللثة ، حيث حدد الباحثون خمس مواد كيميائية نباتية - وهي مضادات أكسدة - كانت متواجدة في نوع الزبيب الخالي من البذور

واحدة من هذه المواد تدعى oleanolic acid وهي من شأنها أن تحد من نمو نوعين من الجراثيم المسببة للنخر وأمراض اللثة .

وتقي هذه المركبات من التصاق الجراثيم على الأسنان ، الالتصاق الذي يعمل على تشكيل اللويحات وتآكل ميناء السن .


تقول الدكتورة Christine D. Wu :" يعد الزبيب من الطعام ذي القوام اللزج والطعم الحلو ، ومن المعلوم أن أية مادة غذائية تكون لها هاتان الصفتان تعتبر أنها مسببة للنخر والتسوس ، إلا أن دراستنا أثبتت العكس ، حيث أكدت التجارب أن هذه المركبات الداخلة في تركيب الزبيب تعمل على مكافحة الجراثيم الناخرة للأسنان والمسببة لأمراض اللثة ".

والان نسال هل تاكلون الزبيب وجوز الهند مع الحلويات ام لا تفضلون وجودهما ؟؟؟

هل الزبيب مرتبط برمضان ؟؟

الحلقه 12

موائد رمضان



تحقيق نشرته احد الجرائد

ما تضيعش الفرصة أكل فاخر و ببلاش كمان !

أول ما تسمع كلمة ( مائدة رحمن ) ذهنك يروح على طول بأنها مكان لإفطار الفقراء و المساكين و غير القادرين بهدف فعل الخير فى شهر رمضان المبارك و لكن الحقيقة مختلفة تماماً ،

عندنا موائد الرحمن أنواع منها العادية و منها الهاى كلاس و هى دى بقى المهمة لأنها مش موائد رحمن بالشكل اللى إحنا متصورينه دى حاجة تانية خالص ، ممكن كمان لما نسمع عنها ما نصدقهاش ..

لدرجة إن طلاب الجامعة و كثيراً من الشباب ينظمون رحلات مخصوصة فى شهر رمضان لـ موائد الرحمن الهاى كلاس ، و بيعتبروها فسحة مش ها تتكرر كتير فى حياتهم و ما بيحسوش بأى خجل إطلاقاً من الإفطار فيها لأنهم بيعتبروها نوع من الترويش ، و الترويش المريح كمان ، يعنى لما يفطروا وجبة فاخرة من أحد محلات التيك اواى أو من احد الفنادق الشهيرة ، و لما يكون قدامهم أجود انواع المأكولات و المشهيات المتنوعة لدرجة إنهم ممكن يلاقوا مأكولات لبنانية و سورية علشان ترضى جميع الأذواق و ده اللى بيخلى ناس كتير تتنازل عن أى شئ و ما تحطش فى دماغها أى حاجة غير الإفطار الشهى و الحلويات الشرقية و الغربية الملفوفة بشكل جداً و مغرى

مين الناس دول أصحاب موائد الرحمن الهاى كلاس ؟!
و منين بيغطوا التكاليف دى كلها ؟ ..

و يا ترى إيه اللى يخليهم يعملوا موائد رحمن بـ البذخ ده و مش للفقراء بس ؟ أسئلة كتير أوى ممكن تسألوها بس الإجابات أقل كتير من الأسئلة ببساطة موائد الرحمن دى سياسة عالية أوى و حدوتة كبيرة و اصحابها غالباً ليهم مصالح معينة .. و السنة دى هى سنة موائد الرحمن الهاى كلاس و ده أمر طبيعى بما أننا داخلين على إنتخابات مجلس الشعب ..

فـ رمضان هتلاقيه مختلف كتير لأنه فرصة عظيمة لكل المرشحين علشان يفرشوا جناحات السلام و فجأة ها تنزل عليهم السكينة و الإحساس بالفقراء و حب الخير .. و هتتساقط منهم المشاعر النبيلة و هيتفرغوا تماماً لـ فعل الخير (يا سلام على التقوى ! )

و طبعاً كل واحد هيدى صوته للـ مرشح الى يصرف أكتر و يأكلهم أكتر و أكتر و ده طبعاً لأننا شعب جعان ..

و هما فاهمين كده و بيلعبوا على الحصان الكسبان ،

* أما بخصوص موائد الفنانين و المطربين فأكيد برضه هتكون منتعشة فى شهر رمضان ... و ده طبعاً لأنه للأسف الشديد جميع شرائط الكاسيت فشلت فشل ذريع و محدش سمعها ، فيعملوا إيه غير موائد رحمن على مستوى علشان يجذبوا الشباب ليها لانهم الفئة المستهدفة ، و فى نهاية الإفطار يوزع المطربون عليهم شرائط كاسيت بالمجان ما هى كده كده راجعة لهم بدون بيع .. يبقى الناس تسمعها أحسن ما هى خربانة خربانة .. أما بقى الفنانين ففشلهم مش أقل من من فشل المطربين و لله الحمد ، و ما فيش فيلم واحد عليه القيمة .. ففرصة إنهم يستعطفوا الناس علشان يتضامنوا معهم فى خيبتهم .. و يحاولوا يرجعوا حبهم ليهم اللى ضاع فى أفلامهم الهابطة .

فيا سلام على رمضان و موائد رمضان و بذخ رمضان .. فسح الموائد السنة دى ها تكون مسلية و لذيذة .. و كلها حسبة و مدروسة و العائد على اصحابها أكتر و أكتر .. لأنهم خططوا لها صح .. و الدعاية الناجحة تتيح الوسيلة المستخدمة و كل سنة و أنتم طيبين و على موائد الهاى كلاس متجمعين .. و جربوها هتلاقوها فسحة مربحة و روشة و ببلاش تماماً .

شكرا دوك رامى للمرور .... وحاول تاكل الزبيب

يا مروه .... لو عايزه تجهزى نفسك قبل الفطار بمده بس اعتقد ان الاهل عندك هيرفضوا انك تروحى من الاساس



منورين الخيمه

الحلقه 13

اللحوم - الكبيب





من المعروف ان شهر رمضان الكريم .. يتميز بكثره اكل اللحوم فيه بجانب العصائر المختلفه ... واكل اللحوم والكباب والكبيب من الاطعمه المنتشره فى رمضان ... وهناك البعض ممن يعتبرون ان اللحم وجبه لابد من تواجدها فى رمضان بالاخص ... وعدم وجودها يعنى ان
الصائم سيعانى من نقص كبير فى الوزن وربما يتعب

أظهرت دراسة حديثة أن تناول وجبات
غذائية تحتوي على كميات كبيرة من اللحوم والدهون مقارنة بتلك الغنية
بالخضروات والفاكهة تزيد من مخاطر الاصابة بسرطان الجلد
فقد أجريت هذة الدراسة في معهد كوينزلاند لابحاث الطبية بأستراليا

هل تعرف الكبيب وليس الكباب
لاحظت ان بعض الناس فى بعض القرى والمدن يعرفون الكبيب والبعض الاخر لا يعرفه ... والكبيب فى بعض المناطق لابد ان يكون فى اول يوم من شهر رمضان كاحتفال بقدومه وهو عباره عن جمبرى او لحمه يدق فى الهون ويبطط فى شكل دائرى وطعمه افضل من الكباب اللحمه بمراحل ...

لست خبيرا فى الطبخ ... ولكن الكبيب علامه بارزه عندنا فى المنصوره فى بعض المناطق ولا اتخيل رمضان بدون الكبيب

والسؤال هل تعرفون الكبيب ام لا ؟؟

والسؤال الاهم هل تاكلون اللحوم بكميات كبيره ؟؟؟؟؟

قصه طريفه

هناك شخص اعرفه ياكل اللحوم بكميات مهوله .... وطعامه هو اللحوم فقط والارز والسلطه واى شىء اخر تحصيل حاصل ... وفى العزومات نجده يهجم على اللحمه وياكلها ويمزمز بالفراخ والكفته والكباب

وبعدها ينظر للاخرين منتظرين احد ينتهى من طعامه تاركه قطعه لحم او ورك فرخه لكى يلتهمه ... ولكن للاسف مسح الجميع الطعام فاضطر الى اكل السلطه والدموع فى عينيه !!

ما رايكم به ؟؟؟ وهل يفعل البعض مثله

نعم أعرف الكبيبه........ لأني رأيتها ولكني لم أتذوقها
وبالنسبة للحوم فأعتقد أن أغلب الناس يحبونها
وبالنسبة لي فأنا معتدله في الطعام وأحب التنوع جداً
وبصراحة صاحبك دة ربنا يكون في عون اللي عايشين معاه ....... همه بيكفوه لحمة إزاي

سهام

اولا منوره الخيمه

وبصراحة صاحبك دة ربنا يكون في عون اللي عايشين معاه

اه والله


دكتور رامى

اوعى يكون انت ؟؟؟

لا ياعم والله ما انا ... حتى ابقى اسال فى البيت

منورين الخيمه

والسؤال هل تعرفون الكبيب ام لا ؟؟
لا والله لسه سامعة عنه مرسي ليك

والسؤال الاهم هل تاكلون اللحوم بكميات كبيره ؟؟؟؟؟

لا يعني عادي بالعكس بحب الفراخ أكتر بس بكل لحمة يعني

بص صا حبك ده ربنا معاه بس الواحد يخاف منه لحسن يأكله
ههههههههههههههه
وبصراحة مشفتش حد مفجوع كده زي ما بتصوف الراجل ده هو مش بيتكسف حتى ولا إيه