::• الخيمه الرمضانيه •::
تذكير بمساهمة فاتح الموضوع :
لرمضان
طابعه المميز من تجمع الاسر فى ميعاد واحد للاكل ... فوانيس رمضان -
المسحراتى ... الكنافه والقطايف .. صلاه التراويح ... القرءان الكريم فى
كل بيت ... السحور .... مدفع الامساك ... مدفع الافطار ... وغيره
فى هذه الخيمه الرمضانيه الخاصه جدا سنتناول قصه متعلقه برمضان ثم نتحدث فيها .... كل مره هكذا فالى اول قصه
قصه الفانوس
الخليفة
الفاطمى كان يخرج إلى الشوارع ليلة الرؤية ليستطلع هلال شهر رمضان، وكان
الأطفال يخرجون معه ليضيئوا له الطريق. كان كل طفل يحمل فانوسه ويقوم
الأطفال معاً بغناء بعض الأغانى الجميلة تعبيراً عن سعادتهم باستقبال شهر
رمضان. هناك قصة أخرى عن أحد الخلفاء الفاطميين أنه أراد أن يضئ شوارع
القاهرة طوال ليالى شهر رمضان، فأمر كل شيوخ المساجد بتعليق فوانيس يتم
إضاءتها عن طريق شموع توضع بداخلها.
وتروى قصة ثالثة أنه خلال
العصر الفاطمى، لم يكن يُسمح للنساء بترك بيوتهن إلا فى شهر رمضان وكان
يسبقهن غلام يحمل فانوساً لتنبيه الرجال بوجود سيدة فى الطريق لكى
يبتعدوا. بهذا الشكل كانت النساء تستمتعن بالخروج وفى نفس الوقت لا يراهن
الرجال. وبعد أن أصبح للسيدات حرية الخروج فى أى وقت، ظل الناس متمسكين
بتقليد الفانوس حيث يحمل الأطفال الفوانيس ويمشون فى الشوارع ويغنون.
وهناك قصة أخرى تقول أن الفانوس تقليد قبطى مرتبط بوقت الكريسماس حيث كان
الناس يستخدمونه ويستخدمون الشموع الملونة فى الاحتفال بالكريسماس.
كيف كانت قصتك مع فانوس رمضان ؟؟
سيحكى كل انسان قصته مع الفانوس .... هل اشتراه يوما ... وهل حدثت له قصه متعلقه بها ؟؟
سابدا انا
عندما
كنت صغيرا لم اكن اهتم بالفوانيس مثل الاطفال الصغار حتى اننى لم افكر ان
اشتريه .. ولكنى عندما وجدت الاطفال كلهم قد اشتروه . اردت ان اشتريه على
سبيل التقليد .... كان اول فانوس اشتريته مغلق وبه لمبه تضاء بالكهرباء ..
ولم يستمر معى طويلا فقد تم تكسيره بالطبع !
..
الافلام والفوانيس
طبعا
راينا فيلم اسماعيل يس والفانوس السحرى الذى ما ان يفركه يخرج له الجنى
الذى يلبى طلباته .... لكم حلمنا ان ننظف الفانوس ليخرج لنا من يلبى
طلباتنا .... هيا جميعا نتخيل ان امامنا فانوس سحرى سنطلب منه 3 طلبات
كل يطلب ما يريد لنفسه وللمنتدى .....
هناك قصه قصيره لكاتب عن الفانوس سانقلها لكم
( الفانوس السحرى ) ( قصة قصيرة )
- يلا يا بابا ميعاد الحكايات..
- إنت مش بتشبع حكايات أبدا ؟
- وهى حكاياتك ينشبع منها يا بابا ؟ .. ما أنا قلت لك إن الحكايات عندى أجمل حاجة فى الدنيا .. بس بعدك طبعا .
- يا أونطجى يا نصاب .
- والله بجد يا بابا ، ما اقدرش أعيش من غيرك
- طيب قول لى لما بابا يموت هاتعمل إيه ؟
- هاموت نفسى.
- .....................................
- إيه يا بابا سكت ليه ؟
- مش عارف أقول لك إيه .
- طيب يلا القصص أهى .. احكى بقى .. أنا عارف ليه يا ربنا ما خلقتنيش قصة ؟
- ...........................................
- بس المشكلة يا بابا لو كان ربنا خلقنى قصة كان ممكن حد يقطعنى .. الحمد لله يا ربنا إنك ما خلقتنيش قصة .. يلا بقى ..
- صلى على النبى ............................................................................
- الله حلوة قوى يا بابا .
- يلا يا جميل .. دورك بقى .
- بس أنا يا بابا ما بعرفش أقرا .
- عارف يا غلباوى .. ما انت كل يوم بتألف من دماغك.. يلا ..
- صلى على النبى .
- عليه الصلاة والسلام .
-
كان فيه بابا .. كان جميل قوى وطيب خالص.. لما باعمل حاجة غلط وأجرى بسرعة
عشان أقول له عليها ، بيدينى حتة علقة .. يقوم يبوسنى بوسة كبيرة ويقول لى
ما تعملش كده تانى .. أنا الصراحة ساعات ما بكونش عملت حاجة أصلا وأروح
أقول له كده عشان البوسة بس .. بعدين بابا ده عرف إنى بضحك عليه فقال لى
كده إنت بتكدب.. قلت له ما انت عارف السبب إنى بحبك يا بابا .. عارف ..
هتقول لى إنى لازم أحب ربنا والرسول أكتر وبعدين بابا .. المهم يا سيدى ..
بابا الحلو ده سافر عشان يجيب فلوس وسابنى .. وأنا قعدت أعيط كتير .. كتير
خالص .. وما سكتش إلا لما قال لى فى التليفون إنه كده هيزعل منى .. مش
عارف والله يعنى هو مفيش فلوس كتير هنا ليه ؟.. فى الحضانة ولاد كتير
باباهم بيجيبهم ويروحهم وأنا كأنى ما ليش بابا ... ماما بتذاكر لى ، بس مش
شاطرة زى بابا وبتزعق لى كتير كمان ... السنة اللى فاتت يوم ما كان بابا
مسافر كان بيصورنى بالكاميرا فى البيت ، حطنى وسط شنطة السفر الكبيرة
وصورنى ... قلت والله يا بابا هاعملك مقلب وأستخبى جوة الشنطة وتفتحها
تلاقينى هناك .. صحيت من النوم أدور على الشنطة ما لقيتهاش ومالقيتش بابا
... المرة دى والله ما هنام خالص .. ليه يا ربنا ما خلقتش فلوس كتير هنا ؟
.. هو إحنا عايزين فلوس ليه أصلا ؟ .. الست اللى بتنام فى الجنينة اللى
جنبنا هى والنونو بتاعها ، بابا قال لى ما عندهمش بيت وكان بياخدنى كتير
معاه بالليل نعطيها أكل .. طيب إحنا عندنا بيت .. بابا قال إنه بفلوس كتير
فى الشهر.. طيب ما أنا بكرة هاشتغل وأجيب فلوس كتير قوى .. بابا الحلو ده
سألنى مرة وهو خارج عاوز إيه يا حبيبى ؟ .. قلت له عاوز فانوس سحرى .. قال
لى لسة بدرى على رمضان .. قلت له لأ مش عاوز فانوس رمضان .. أنا عاوز
الفانوس السحرى اللى بيطلع منه العفريت.. بس يكون عفريت طيب زى ما كان فى
فيلم امبارح .. بابا ضحك وقال لى هتطلب منه إيه ؟.. قلت له طبعا فلوس كتير
خالص عشان ما تسافرش .. والله يا ربنا لو خليتنى ألاقى الفانوس السحرى مش
هاعمل حاجة غلط تانى .. طيب قول انت يا ربنا ممكن بابا ما يسافرش ازاى ؟
.. بابا .. بابا .. إنت بتعيط ولا إيه ؟
تمت – إيهاب رضوان
لرمضان
طابعه المميز من تجمع الاسر فى ميعاد واحد للاكل ... فوانيس رمضان -
المسحراتى ... الكنافه والقطايف .. صلاه التراويح ... القرءان الكريم فى
كل بيت ... السحور .... مدفع الامساك ... مدفع الافطار ... وغيره
فى هذه الخيمه الرمضانيه الخاصه جدا سنتناول قصه متعلقه برمضان ثم نتحدث فيها .... كل مره هكذا فالى اول قصه
قصه الفانوس
الخليفة
الفاطمى كان يخرج إلى الشوارع ليلة الرؤية ليستطلع هلال شهر رمضان، وكان
الأطفال يخرجون معه ليضيئوا له الطريق. كان كل طفل يحمل فانوسه ويقوم
الأطفال معاً بغناء بعض الأغانى الجميلة تعبيراً عن سعادتهم باستقبال شهر
رمضان. هناك قصة أخرى عن أحد الخلفاء الفاطميين أنه أراد أن يضئ شوارع
القاهرة طوال ليالى شهر رمضان، فأمر كل شيوخ المساجد بتعليق فوانيس يتم
إضاءتها عن طريق شموع توضع بداخلها.
وتروى قصة ثالثة أنه خلال
العصر الفاطمى، لم يكن يُسمح للنساء بترك بيوتهن إلا فى شهر رمضان وكان
يسبقهن غلام يحمل فانوساً لتنبيه الرجال بوجود سيدة فى الطريق لكى
يبتعدوا. بهذا الشكل كانت النساء تستمتعن بالخروج وفى نفس الوقت لا يراهن
الرجال. وبعد أن أصبح للسيدات حرية الخروج فى أى وقت، ظل الناس متمسكين
بتقليد الفانوس حيث يحمل الأطفال الفوانيس ويمشون فى الشوارع ويغنون.
وهناك قصة أخرى تقول أن الفانوس تقليد قبطى مرتبط بوقت الكريسماس حيث كان
الناس يستخدمونه ويستخدمون الشموع الملونة فى الاحتفال بالكريسماس.
كيف كانت قصتك مع فانوس رمضان ؟؟
سيحكى كل انسان قصته مع الفانوس .... هل اشتراه يوما ... وهل حدثت له قصه متعلقه بها ؟؟
سابدا انا
عندما
كنت صغيرا لم اكن اهتم بالفوانيس مثل الاطفال الصغار حتى اننى لم افكر ان
اشتريه .. ولكنى عندما وجدت الاطفال كلهم قد اشتروه . اردت ان اشتريه على
سبيل التقليد .... كان اول فانوس اشتريته مغلق وبه لمبه تضاء بالكهرباء ..
ولم يستمر معى طويلا فقد تم تكسيره بالطبع !
..
الافلام والفوانيس
طبعا
راينا فيلم اسماعيل يس والفانوس السحرى الذى ما ان يفركه يخرج له الجنى
الذى يلبى طلباته .... لكم حلمنا ان ننظف الفانوس ليخرج لنا من يلبى
طلباتنا .... هيا جميعا نتخيل ان امامنا فانوس سحرى سنطلب منه 3 طلبات
كل يطلب ما يريد لنفسه وللمنتدى .....
هناك قصه قصيره لكاتب عن الفانوس سانقلها لكم
( الفانوس السحرى ) ( قصة قصيرة )
- يلا يا بابا ميعاد الحكايات..
- إنت مش بتشبع حكايات أبدا ؟
- وهى حكاياتك ينشبع منها يا بابا ؟ .. ما أنا قلت لك إن الحكايات عندى أجمل حاجة فى الدنيا .. بس بعدك طبعا .
- يا أونطجى يا نصاب .
- والله بجد يا بابا ، ما اقدرش أعيش من غيرك
- طيب قول لى لما بابا يموت هاتعمل إيه ؟
- هاموت نفسى.
- .....................................
- إيه يا بابا سكت ليه ؟
- مش عارف أقول لك إيه .
- طيب يلا القصص أهى .. احكى بقى .. أنا عارف ليه يا ربنا ما خلقتنيش قصة ؟
- ...........................................
- بس المشكلة يا بابا لو كان ربنا خلقنى قصة كان ممكن حد يقطعنى .. الحمد لله يا ربنا إنك ما خلقتنيش قصة .. يلا بقى ..
- صلى على النبى ............................................................................
- الله حلوة قوى يا بابا .
- يلا يا جميل .. دورك بقى .
- بس أنا يا بابا ما بعرفش أقرا .
- عارف يا غلباوى .. ما انت كل يوم بتألف من دماغك.. يلا ..
- صلى على النبى .
- عليه الصلاة والسلام .
-
كان فيه بابا .. كان جميل قوى وطيب خالص.. لما باعمل حاجة غلط وأجرى بسرعة
عشان أقول له عليها ، بيدينى حتة علقة .. يقوم يبوسنى بوسة كبيرة ويقول لى
ما تعملش كده تانى .. أنا الصراحة ساعات ما بكونش عملت حاجة أصلا وأروح
أقول له كده عشان البوسة بس .. بعدين بابا ده عرف إنى بضحك عليه فقال لى
كده إنت بتكدب.. قلت له ما انت عارف السبب إنى بحبك يا بابا .. عارف ..
هتقول لى إنى لازم أحب ربنا والرسول أكتر وبعدين بابا .. المهم يا سيدى ..
بابا الحلو ده سافر عشان يجيب فلوس وسابنى .. وأنا قعدت أعيط كتير .. كتير
خالص .. وما سكتش إلا لما قال لى فى التليفون إنه كده هيزعل منى .. مش
عارف والله يعنى هو مفيش فلوس كتير هنا ليه ؟.. فى الحضانة ولاد كتير
باباهم بيجيبهم ويروحهم وأنا كأنى ما ليش بابا ... ماما بتذاكر لى ، بس مش
شاطرة زى بابا وبتزعق لى كتير كمان ... السنة اللى فاتت يوم ما كان بابا
مسافر كان بيصورنى بالكاميرا فى البيت ، حطنى وسط شنطة السفر الكبيرة
وصورنى ... قلت والله يا بابا هاعملك مقلب وأستخبى جوة الشنطة وتفتحها
تلاقينى هناك .. صحيت من النوم أدور على الشنطة ما لقيتهاش ومالقيتش بابا
... المرة دى والله ما هنام خالص .. ليه يا ربنا ما خلقتش فلوس كتير هنا ؟
.. هو إحنا عايزين فلوس ليه أصلا ؟ .. الست اللى بتنام فى الجنينة اللى
جنبنا هى والنونو بتاعها ، بابا قال لى ما عندهمش بيت وكان بياخدنى كتير
معاه بالليل نعطيها أكل .. طيب إحنا عندنا بيت .. بابا قال إنه بفلوس كتير
فى الشهر.. طيب ما أنا بكرة هاشتغل وأجيب فلوس كتير قوى .. بابا الحلو ده
سألنى مرة وهو خارج عاوز إيه يا حبيبى ؟ .. قلت له عاوز فانوس سحرى .. قال
لى لسة بدرى على رمضان .. قلت له لأ مش عاوز فانوس رمضان .. أنا عاوز
الفانوس السحرى اللى بيطلع منه العفريت.. بس يكون عفريت طيب زى ما كان فى
فيلم امبارح .. بابا ضحك وقال لى هتطلب منه إيه ؟.. قلت له طبعا فلوس كتير
خالص عشان ما تسافرش .. والله يا ربنا لو خليتنى ألاقى الفانوس السحرى مش
هاعمل حاجة غلط تانى .. طيب قول انت يا ربنا ممكن بابا ما يسافرش ازاى ؟
.. بابا .. بابا .. إنت بتعيط ولا إيه ؟
تمت – إيهاب رضوان
